A Federación Galega de Baloncesto presentou este xoves, 2 de abril a solicitude dun ERTE por forza maior acolléndose ao Real Decreto-ley 8/2020 de 17 de marzo no que se establecen as medidas laborais para facer fronte ao efecto económico xerado polo COVID-19.
A entidade que dirixe o baloncesto autonómico actualiza a súa situación con este Expediente de Regulación Temporal de Emprego (ERTE) de carácter parcial que afecta á totalide da súa plantilla e que se estenderá ata o cese do estado de alarma.
A dirección da FGB, liderada polo seu presidente, Francisco Martín comunicou esta situación aos empregados do ente federativo e agradeceulles a súa comprensión e esforzo nestes intres nos que as competicións de carácter autonómico permanecen suspendidas de xeito indefinido ante a situación de emerxencia actual. Todas elas rexidas pola Federación Galega de Baloncesto, así como todas as actividades que esta organizada.
A FGB seguirá atendendo vía mail
Neste novo escenario, a Federación Galega de Baloncesto manterá o seu servicio esencial aos clubs e federados. Esta atención seguirá realizándose vía mail, a través dos correos oficiais.
