Ante a situación que está xerando a expansión do COVID-19, e logo do comunicado emitido pola Real Federación Española de Balonmán no que acorda a suspensión de todas as competicións estatais, oficiais, amigables, profesionais e amateurs, e recomendando a mesma medida ás federacións territoriais.
A Federación Galega de Balonmán acordou a suspensión a partir de hoxe xoves día 12, todas as competicións Autonómicas, provinciais e amigables durante un período de dúas semanas. Recoméndase aos clubs que suspendan os adestramentos de todas as categorías.
Desde a Federación non se quere crear ningún tipo de alarma, e esta decisión extraordinaria adóptase para garantir a saúde e seguridade dos nosos deportistas, previa consulta ás autoridades sanitarias correspondentes. Nas vindeiras datas procederase a formular unha proposta para a celebración dos partidos correspondentes ás xornadas afectadas.
Ademais, como destaca nas súas redes, a Federación de Balonmán pechará a súa sede en Vigo ata o vindeiro luns pero manteñen o seu servizo a través do seu correo secretaria@fgbalonman.com
A sede da @fgabalonman permanecerá pechada ata o vindeiro luns, pero non por iso deixamos de traballar!! Estaremos á vosa disposición a través do correo electrónico, de forma que se necesitades facer algunha consulta só tedes que escribirnos e contestaremos o antes posible! pic.twitter.com/U64y3rq7RE
— Federación Galega Balonmán (@fgabalonman) March 12, 2020
