A Federación Galega de Balonmán empeza o mes de abril cunha nova iniciativa de formación para estas longas xornadas de confinamento na casa. Durante os días 2 e 3 de abril a FGB celebra un curso online sobre o adestramento de porteiros/as nas etapas da base.
O curso será ofrecido, mediante videoconferencia a través da plataforma de formación da Federación Galega de Balonmán, por Carlos M. Hidalgo (entrenador de porteiros de Ikasa Balonmano Madrid e creador da Escola TOP KEEPER, centrada na formación de adestradores de porteiros de balonmán). O clinic levarase a cabo o xoves 2 e o venres 3 de abril de 2020, en horario de 19:00 a 21:00 horas aproximadamente.
A inscrición deberá realizarse a través da páxina web da Federación e o prazo de inscrición rematará o vindeiro mércores 1 de abril pola noite. O prezo do curso será de 5 euros.
Obxetivo da convocatoria
O obxeto do clínic é realizar dous relatorios formativos online relacionadas co adestramento de porteiro/as onde se traten diferentes temas de vital importancia para que os equipos estean ben adestrados. Como traballar técnica e tácticamente, como e cando traballar a preparación física, como integrar o traballo do porteiro no do equipo, etc…
Programa do I Clínic Online “O adestramento do porteiro/a de balonmán na base”
Xoves, 2 de abril
Temática: Presentación e técnica do porteiro/a de balonmán
Profesor: Carlos M. Hidalgo Fernández (Top Keeper)
Vernes, 3 abril
Temática: Táctica, Preparación física e proposta de traballo do porteiro/a de balonmán.
Profesor: Carlos M. Hidalgo Fernández (Top Keeper)
Podes realizar a inscripción do curso nesta ligazón.
