O sábado 4 de xullo celebrarase en Vigo (salón de actos do Edificio das Federacións Deportivas) a Asemblea Ordinaria da Federación Galega de Balonmán, que este ano será un pouco diferente polas medidas de prevención adoptadas nesta ‘nova realidade’ na que nos atopamos. A primeira convocatoria será ás 09:30, mentres que a segunda terá lugar trinta minutos máis tarde.
Na orde do día figura a presentación do presidente, o informe sobre os acordos adoptados na asemblea da RFEBM, situación COVID-19; análise e datos relevantes da tempada 2019/2020, así como o informe económico e aprobación de contas.
Tal e como indica a FGBM, pola situación que estamos a vivir, as persoas que asistan á asemblea deberán “tomar unhas medidas de prevención tales como distancia entre persoas, uso obrigatorio de mascarillas dentro do edificio e non se entregarán impresas as propostas que se van tratar”.
Lembra tamén a Federación Galega de Balonmán que para asistir como representante de club “é obrigatorio a presentación da autorización de representante de entidade deportiva (a tedes no anexo), mentres que para acudir como xogador/a, adestrador/a ou árbitro/a, hai que presentar o D.N.I.”
A Federación de Balonmán fai balance
A FGBM viviu unha tempada 2019/20 chea de novidades, emocións, retos, grandes eventos, investimentos, formación, propostas… Unha tempada de cambios pensando no futuro dese deporte na nosa comunidade. A esencia desta tempada queda recollida neste vídeo da entidade.
