A crise do COVID-19 oblíganos a estar na casa e loitar todos xuntos contra o virus. Hoxe cúmprese un mes desde que se decretou o estado de alarma e desde a Federación Galega de Balonmán propoñen unhas pautas para poder adestrar e facer deporte desde a casa. O obxectivo é evitar a perda da condición física debido a imposibilidade de saír para realizar actividade física.
Por este motivo, desde a FGB ofrecen uns programas de adestramento orientativos para poder realizar no noso fogar. Esta programación foi realizada polo preparador físico e profesor de balonmán na Universidad Europea de Madrid, Carlos García Sánchez. Desde a Federación Galega quixeron agradecerlle o traballo e por mostrarse sempre disposto a traballar con eles.
Programa Adestra #NaCasa
Esta é a aportación da FGB para o programa Adestra #NaCasa da Secretaría Xeral para o Deporte, que realiza en colaboración coas federacións deportivas galegas. En Adestra #NaCasa a Secretaría Xeral para o Deporte pon a disposición dos e das deportistas galegos/as un banco de arquivos, documentos, ligazóns e material de diversa índole orientado ao adestramento na casa en tempos de confinamento.
Podes descargar todo o contido do programa de adestramento nesta ligazón: ADESTRA-NACASA-FGBM
