A Federación Galega de Atletismo pide ás deportistas e ós deportistas que continuén amosando o seu día a día no confinamento. As atletas e os atletas teñen que adestrar desde os seus fogares debido ao Estado de Alarma decretado polo Goberno debido a situación provocada pola crise do coronavirus.
A través dun comunicado agradeceu o seguinte: “Moitísimas grazas a todas e todos canto nos estades a mandar vídeos, enlaces, sesións de adestramentos, comentarios de ánimo ou calquera das iniciativas que estades a ter e que teñen como finalidade facer deste confinamento obrigatorio e responsable moito máis levadeiro para todas e todos”.
Por iso, animan e queren seguir colgando as orixinalidades que lles envían. “Para elo, podedesnos enviar un vídeo de non máis de 30 segundos cunha temática alusiva ó voso día a día e o noso deporte”.
Federación Galega de Atletismo: “Para elo, podedesnos enviar un vídeo de non máis de 30 segundo cunha temática alusiva ó voso día a día e o noso deporte”.
As publicacións entran dentro do espazo cos cancelos #escorrentavirus e #lumeobicho. Tamén serán colgadas nas redes sociais da Federación. O que teña un maior número de likes resultará gañador dunha camiseta da selección galega. Algún exemplos:
Andrea González, atleta lanzadora internacional. Graciñas Andrea#escorrentavirus pic.twitter.com/ymJ7ohRncN
— Atletismo Galego (@atletismogalego) March 21, 2020
Teresa Castro, atleta máster internacional e doutora. Graciñas Teresa#escorrentavirus pic.twitter.com/vzy8nLOIcP
— Atletismo Galego (@atletismogalego) March 20, 2020
Para formar parte, só hai que mandar unha mensaxe de WhatsApp con:
- Nome
- Concello
- Club
E outra mensaxe, a mesma plataforma co vídeo orixinal ao número presente na seguinte ligazón.
Ana Peleteiro tamén amosa o seu adestramento de atletismo
Fóra desta iniciativa da Federación Galega de Atletismo, unha das atletas máis destacadas non so no ámbito galego, se non tamén no nacional e internacional, amosaba tamén nas súas redes sociais como está a adestrar. Trátase de Ana Peleteiro. A galega, referente estatal no triple salto, fixo un vídeo amosando a súa rutina de traballo e pendurouno na súa conta de Instagram.
