A Federación Galega de Atletismo realizará un ciclo de charlas informativas en liña onde se abordarán de mans de profesionais especializadas, distintos enfoques de actualidade relacionados coa crise do COVID19. A primeira das charlas dará comezo este mesmo venres 24 de abril ás 20.30 a través do Facebook Live da FGA.
A iniciativa xurdiu como consecuencia da gran incertidume existente en moitos aspectos que afectan de maneira moi especial e directa ao atletismo. Para elo, abordaranse distintas charlas a través das cales se pretende arroxar algo de luz e asesoramento sobre catro grandes bloques que serán basicamente os que afecten á economía, a saúde, a xestión, e a planificación.
A primeira charla, o venres ás 20.30 a través do Facebook da FGA
A primeira das mesmas dará comezo este mesmo venres as 20.30 horas a través de facebook live da Federación Galega de Atletismo e correrá cargo de Rafael Alonso Martínez, responsable dos Servizos Xurídicos da FGA.
Nela falarase sobre diversos aspectos relacionados cas consecuencias económicas que esta crise está a causar aos clubs, adestradores e demais persoal con algún tipo de prestación laboral e de como as distintas medidas excepcioais aprobadas recentemente polo goberno, afectarán ós procedementos administrativos dos mesmos.
O ciclo de charlas será cada venres as 20.30 horas e nelas poderanse plantexar a través da canle do chat as distintas dúbidas de cada un dos/as participantes.
