Xa hai unha decisión firme no deporte. A Real Federación Española de Voleibol suspendeu a Liga Iberdrola a causa da crisis provocada polo coronavirus. Esta decisión afecta, por exemplo, á xogadora herculina, Helia González, que milita no May Deco VB Logroño.
Aínda queda por resolver o futuro da Superliga 2 e a Primeira División Nacional. Polo que os equipos galegos como o Arenal Emevé, o Autos Cancela Zalaeta, o Aceites Abril e o CV Bruxas están a espera de novidades.
A partir de onte, os clubs, corpos técnicos e xogadoras implicadas poden resolver o futuro inmediato e comezar a preparar o seu posicionamento a medio-longo prazo para cando se retomen as competicións nacionais. Así o indicou nas súas redes sociais, o equipo da galega.
Comunicado oficial de @RFEVB, se dan por cerradas la Liga Iberdrola por unanimidad de todos los clubs.#MayDecoVBLogroño#somosvoleibol#SácalepartidoalVoley#QudateEnCasa pic.twitter.com/yGbEEdBqRk
— Voleibol Logroño (@VoleibolLogrono) March 16, 2020
Isto tamén afecta a Superliga Masculina. A medida, tomada de maneira consesuada entre a RFEVB e os 24 club que conforman ditas competicións, plasmouse nun comunicado publicado desde a federación.
Esta decisión pospón tamén “a definición de cuestións técnicas e colaterais que poidan xurdir como consecuencia da mesma (ascensos, descensos, clasificación, outros efectos posibles, etc) para que sexan resoltas polo órgano competente da RFEVB no momento adecuado”.
