A Federación Galega de Ciclismo organizará o vindeiro 12 de marzo en Pontevedra unha nova xornada de convivencia e formación.
Desta volta, a cita está programada para serán as ciclistas cadetes, juniors e sub23 de estrada, co obxectivo de que participen nunha iniciativa que busca crear vínculos entre as corredoras e efectuar un seguemento das mesmas. A cidade de Pontevedra, acollerá dúas semanas despois a apertura da Copa de España.
Así será a xornada de convicencia para as ciclistas da base
A vintena de convocadas polos técnicos da FCG están citadas ás 9:45 horas no Hotel Avenida. A sesión matinal consistirá nun adestramento no que as ciclistas percorrerán o circuíto do Gran Premio Cidade de Pontevedra 2022, evento inaugural da Copa de España, que se disputará o domingo 27 de marzo. Despois de darlle aos pedais ao redor de 3 horas, as corredoras recuperarán forzas xantando xuntas.
Pola tarde chegará a quenda das charlas formativas. O ponente principal desta xornada será José Ramón Lillo-Bevia, Doutor en Ciencias da Actividade Física e do Deporte pola Universidad de Murcia, que ofrecerá unha conferencia baixo o título “Ciclo menstrual e rendemento“.
Nas instalacións do Hotel Avenida tamén tomarán a palabra os representantes da FCG para abordar temas técnicos, así como para explicar a metodoloxía de traballo que se aplicará ao longo desta campaña nas concentracións e nas competicións ás que acuda a Selección de Galicia. A convivencia clausurarase ás 18:30 horas.
