A FEB e os clubs de Liga Feminina Endesa acordan que non haxa descensos e si ascensos desde LF2 esta tempada. Esta mañá tivo lugar unha reunión telemática entre a Federación Española de Baloncesto e os 14 clubs integrantes da Liga Feminina Endesa na tempada 2019/20. Neste encontro, acordouse por unanimidade que non haberá descensos esta tempada e que si levarán a cabo os dous ascensos desde Liga Feminina 2 previstos para esta campaña. Isto supón que a tempada 2020/21 haberá 16 equipos en Liga Feminina Endesa.
A Federación Española de Baloncesto emitirá unha resolución a final desta semana, que comunicará previamente aos clubs implicados, na que se determinará o procedemento polo que se resolverá a presente Liga, unha vez contrastada a dificultade de continuar disputándoa.
Baxi Ferrol, principal equipo galego afectado
Un dos máximos afectados por esta medida pode ser o Baxi Ferrol que sitúase 2º na clasificación tan só superado polo Movistar Estudiantes. As de Lino López buscarán estar entre eses dous equipos que poden optar a subir á división de ouro do baloncesto feminino de cara a seguinte tempada.
