Seguen as boas novas no Club Balonmano Porriño que continua coas renovacións na súa plantilla. Neste caso, será na portería do primeiro equipo e terá por protagonista a Fátima Ayelen que decidiu permanecer un ano máis no equipo porriñés.
A porteira arxentina chegou ao Club Balonmano Porriño na tempada 2017/ 2018 e está decidida a continuar unha tempada máis “decidín renovar porque creo no proxecto e no modelo de traballo. Creo que nos mereciamos máis do que tivemos este ano a nivel resultados, o traballo non se viu reflectido na clasificación”.
Ademais, engade o ben que se atopa no club “en Porriño síntome como na casa, estou rodeada de boa xente e iso dáme un empuxón para querer quedarme un ano máis”.
Fátima Ayelen, xogadora do Porriño: “Creo que nos mereciamos máis do que tivemos este ano a nivel resultados, o traballo non se viu reflectido na clasificación”.
Tamén relata para o seu club as ganas que ten de comezar a próxima tempada para poder mellorar en todos os aspectos do xogo: “Estou ansiosa polo arranque da tempada e poder mellorar a clasificación anterior e a nivel individual mellorar os meus puntos débiles e poder achegar o máximo que poida”.
Fátima Ayelen, xogadora do Porriño: “Estou ansiosa polo arranque da tempada e poder mellorar a clasificación anterior e a nivel individual mellorar os meus puntos débiles e poder achegar o máximo que poida”.
O míster Martínez mostrouse moi contento pola renovación da súa gardamallas
Ante a renovación da súa xogadora, Ismael Martínez relata como recibiu a noticia: “Estamos moi contentos porque é unha xogadora moi nova e cremos que ten unha marxe de mellora moi grande.” O técnico tamén quixo falar sobre o papel da arxentina que: “é unha porteira cunha gran envergadura e que ten un estilo de parar que cremos que nos vai a ir ben nos estilos de defensa que adoitamos utilizar. É unha xogadora moi importante no equipo.”
En canto as súas perspectivas de futuro o míster confiesa que “esperamos que este ano, dun golpe na mesa, e sexa o que todos temos claro que pode ser, unha das mellores porteiras de División de Honra“.
Ismael Martínez, adestrador do Porriño: “É unha porteira cunha gran envergadura e que ten un estilo de parar que cremos que nos vai a ir ben nos estilos de defensa que adoitamos utilizar. É unha xogadora moi importante no equipo.”
“Esperamos que Ayelen siga crecendo connosco”
O presidente do club, Abel Estévez, tamén expresou o seu sentir tras esta nova renovación: “é unha gran alegría que Ayelen siga contando connosco, é unha das xogadoras estranxeiras que mais capacidade de traballo tivo estes anos, estamos moi contentos co seu rendemento e esperamos que siga crecendo connosco”.
Abel Estévez, presidente do Porriño: “É unha gran alegría que Ayelen siga contando connosco, é unha das xogadoras estranxeiras que mais capacidade de traballo tivo estes anos”.
