A fase final da Copa da Raíña de futsal contará con dous competidores galegos: o Pescados Rubén Burela e o Ourense Envialia. Os dous clubs estarán na final a oito que se celebrará na Cidade do Fútbol de Las Rozas (Madrid) do 30 de abril ao 2 de maio.
Durante o venres, sábado e domingo, as mellores futbolistas do fútbol sala español pasarán pola localidade madrileña. O sorteo dos cruces, que decidirán os rivais do Burela e o Envialia, terá lugar nos próximos días. Os enfrontamentos de cuartos de final terán lugar o venres, as semifinais o sábado e a final o domingo, nunha competición na que as Guerreiras Laranxas intentarán revalidar o seu título de campioas.
Todos estes partidos retransmitiranse por Teledeporte e a páxina web de RTVE.
Os conxuntos que acompañarán ao Burela e o Envialia na fase final da Copa
Nesta final a oito clubs, enfrontaranse os seguintes equipos:
- A.E. Penya Esplugues
- Intersala Promesas
- Torreblanca Melilla CF
- Universidad de Alicante
- Futsi Atlético Navalcarnero
- Pescados Rubén Burela
- Ourense Envialia
- A.D. Alcorcón
