A capitá do Peluquería Mixta Friol leva desde os 16 anos liagada ao club dos seus amores, toda unha vida. Viviu un ascenso do equipo á categoría de prata, no ano 2019, cando o equipo aínda era o Friol CD Lugo. Esta é a segunda tempada consecutiva do equipo na Liga Reto e Fanny Varela recoñece que “a tempada pasada serviunos un pouco para coñecer o nivel e saber ao que nos enfrontabamos por tanto esta tempada estamos mellor preparadas e aspiramos a estar no máis alto”.
A galega está centrada nos obxectivos deste ano e soña con xogar algún día na Liga Iberdrola aínda que o ve “difícil pero non imposible”. Este ano o conxunto lucense reforzouse moi ben e a capitá destaca que “as novas fichaxes reforzaron ao equipo e a chegada do novo adestrador achéganos un ambiente de seriedade e profesionalidade clave para conseguir as nosas aspiracións”.
Fanny confesa dúas das claves para que o fútbol feminino siga medrando: “O primeiro que se vexa, que se fale del, que se normalice todo o posible e o segundo que as que o practicamos fagamos por fomentar iso” e, a pesar de levar moitos anos xogando a este deporte, non esquece o gol do empate que anotou fai dous anos no partido contra o Dépor.
– As Nosas: Levas desde os 16 anos ligada a este club, toda unha vida, cales son os teus obxectivos individuais para esta tempada?
Fanny Varela: Pois gozar de cada adestramento, cada partido, máis aínda na situación na que estamos que non imos saber cal será o último. Tamén sempre pretendo achegar todo o que poida ao grupo para conseguir estar entre os mellores equipos e conseguir os máximos puntos posibles.
– A.N: A tempada pasada foi unha tempada difícil, ascender a unha liga tan esixente como Reto e non poder terminala pola pandemia. Cales crees que deben ser as aspiracións do equipo esta tempada?
F. V: A tempada pasada serviunos un pouco para coñecer o nivel e saber ao que nos enfrontabamos por tanto esta tempada estamos mellor preparadas e aspiramos a estar no máis alto.
Fanny Varela, xogadora do Friol: “A tempada pasada serviunos un pouco para coñecer o nivel e saber ao que nos enfrontabamos por tanto esta tempada estamos mellor preparadas e aspiramos a estar no máis alto”.
– A.N: Oviedo, Sporting de Xixón, Rácing de Santander, Madrid CFF B, Pozuelo, Parquesol Valladolid e Atlético de Madrid B, rivais difíciles no grupo norte no xoga o Friol e de momento nas dúas primeiras xornadas un empate e unha derrota. Crees que este formato pode beneficiar máis aos equipos con maior potencial económico?
F. V: Eu creo que ao final aínda que teñas un maior potencial económico como club non che exime dunha derrota se o teu rival pon máis intensidade e máis ganas no terreo de xogo.
– A.N: Ves ao Friol xogando algún día na Liga Iberdrola?
F.V: Difícil pero non imposible, polo momento centrámonos nos nosos obxectivos e o que teña que vir virá.
– A.N: O Friol tivo moitos cambios con respecto á tempada pasada, reforzouse bastante e moi ben, míster novo… que ambiente se respira no vestiario e como ves ao equipo? Unha vez axústense todas as pezas, este Friol pode dar que falar nesta Liga Reto?
F. V: O equipo é practicamente novo pero a pesar diso conseguimos un bo bloque, reforzouse e as novas incorporacións achegan mocidade e ambición. A chegada do novo adestrador ademais achéganos un ambiente de seriedade e profesionalidade clave para conseguir as nosas aspiracións.
Fanny Varela, xogadora do Friol: “A chegada do novo adestrador ademais achéganos un ambiente de seriedade e profesionalidade clave para conseguir as nosas aspiracións”.
– A.N: Que destacas da nova dupla no banco con Abraham e Geluco?
F. V: Fan bo equipo, polo momento enténdense ben.
– A.N: Que consello daríaslle a unha nena que lle gusta o fútbol, que quere chegar a Primeira División e vivir do fútbol?
F.V: O primeiro gozar, loitar por conseguir o posto pero sempre desde a ilusión. O máis importante é non renderse nunca porque o camiño é duro e baixar os brazos nunca é unha opción.
Fanny Varela, xogadora do Friol: “O primeiro gozar, loitar por conseguir o posto pero sempre desde a ilusión. O máis importante é non renderse nunca porque o camiño é duro e baixar os brazos nunca é unha opción”.
– A.N: Que opinas do novo formato de competición en subgrupos e dúas fases, acumulando todos os puntos dunha fase a outra, non tendo practicamente moita marxe de erro?
F.V: Está claro que con este novo sistema non tes moita marxe de erro pero se che toca un grupo un pouco accesible telo máis fácil para sumar, tendo en conta que non hai ningún rival pequeno e que nesta Liga cada partido pódeche sorprender.
– A.N: Cal cres que é a clave para que o fútbol feminino siga crecendo?
F.V: O primeiro que se vexa, que se fale del, que se normalice todo o posible e o segundo que as que o practicamos fagamos por fomentar iso.
Fanny Varela, xogadora do Friol: “O primeiro que se vexa, que se fale del, que se normalice todo o posible e o segundo que as que o practicamos fagamos por fomentar iso”.
– A.N: Un gol que nunca esquecerás…
F.V: Foi hai dous anos, partido contra o Dépor, saín na segunda parte e marquei o gol do empate.
- Un prato galego que non che cansarías para comer. Polbo.
- Un monumento galego que sempre recomendas visitar. Praia das catedrais.
- Polbo ou empanada. Polbo.
- Dépor ou Celta. Friol.
- Un estadio no soñas xogar. Camp Nou.
- Unha xogadora que admiras da liga Iberdrola/Reto. Alexia Putellas.
- A mellor xogadora coa que xogaches. Xoguei con moitas xogadoras boas non sabería quedarme cunha.
