A celebración da Copa de España Galicia Júnior de judo en Santiago de Compostela resultou nun club claramente gañador na categoría feminina. A AD Famu de Frutos subiuse ao podio en sete ocasións, con dous ouros, dúas pratas e tres bronces.
Tamén foi fructífera a competición para a Asociación Deportiva DOM, que volveu a casa con dous ouros. Dúas medallas foron para o Judo Baixo Miño, cun ouro e un bronce, e para o JC Finisterre, cunha prata e un bronce. Outros equipos que subiron ao máis alto do podio foron a AD Judo Ferrolterra e o JC Galicia Sur.
En total, o campionato da Copa de España Galicia Júnior organizado pola Federación Galega de Judo acolleu a 57 judokas femininas de 22 clubs de Galicia.
Os resultados das judokas na Copa de España Galicia júnior
Na primeira categoría, a de -47 kg, o club Famu de Frutos monopolizou as primeiras posicións. Eva Pérez, María Rojas e Malena Castro colgáornse o ouro, prata e bronce respectivamente. Na terceira posición quedou tamén Marta Gaiterio, do JC Finisterre.
Na proba de -52 kg, a AD DOM foi primeira clasificada con Andrea Insua. A segunda posición foi para o equipo de Finisterre, grazas a Inés Villahoz. Na terceira praza empataron Naira Blanco, do JC Bergantiños, e Belén Ferreiro, do JC Arteixo.
Xa no peso de -57 kg, o ouro foi para o Judo Baixo Miño, con Verónica Pérez como gañadora. A prata foi para Lidia Gude, do Judo Lugo e os bronces para Paula Fernández, do JC Cambre e Alicia López, do Club Campolongo.
Na competición de -63 kg desta Copa de España Galicia Júnior de novo Famu de Frutos colgouse o ouro, desta vez obra de Laura Vázquez. Na segunda prpaza a clasificada foi Sabela Lage, do JC Oleiros, mentres que o bronce foi compartido entre Pauline Couty, do club gañador, e Marina Gómez, do equipo lucense.
O seguinte peso, de -70 kg, deixou como campioa a Noelia Insua, que comparte club coa súa irmá, vencedora nos -52 kg, a AD DOM. A prata foi para Ana Vizoso, do vitorioso Famu de Frutos. A terceira posición foi tanto para Daniela Agudo, compañeira de Vizoso, como para Noa González, do Judo Baixo Miño.
O dato curioso da competición chegaría nos -78 kg, onde só se presentou á competición June Moreno, da AD Judo Ferrolterra. A cadete, malia a súa categoría, sumou o seu segundo Campionato Galego Júnior.
Na última categoría só competiron tres judokas. Carla Piquín, do JC Galicia Sur, erixiuse como vencedora, mentres que a segunda posición foi para Fabiola Fernández, do JC Shiai, e o bronce para Antía Quintela, do Compostela JC.
