O Celta Zorka Recalvi voltou sen puntos do seu desprazamento a Plasencia. Boa parte do motivo da derrota radicou en eivas no xogo das galegas que estivon expostas ás chegadas do Extremadura Miralvalle Plasencia sen ser quen de frear as locais. O resultado, un 65-57 que fai que as viguesas boten o freo a súa condición de invictas nesta campaña 2020-21.
Tres partidos e tres triunfos era a traxectoria das de Cristina Cantero neste curso 2020-21 na LF2 pero esta fin de semana colleitaron a súa primeira derrota. Xustamente este golpe anímico chega no primeiro desprazamento a Plasencia, o primeiro fóra de Galicia do Celta Zorka Recalvi.
Desde o arranque do choque o Extremadura Miralvalle Plasencia fíxose dono do partido. As locais levaron a iniciativa no marcador mentres o Celta fallaba baixo o aro. Esas faltas de definición nás súas incursións na pintura pagaríanas caras as galegas ao final do choque. Chegouse ao final do primeiro cuarto cun tanteo de 22-11.
Dobraban as locais os puntos das visitantes, pero as celestes non se viñeron abaixo e no segundo cuarto fixeron un parcial de 10-17 colocando o partido cun marcador menos avultado: 32-28. Chegaron a estar as viguesas 28-27.
O partido estaba vivo e á volta de vestiarios, por vez primeira no partido, o Celta Zorka Recalvi púxose por diante no electrónico (33-34). Un único punto arriba que foi flor dun día xa que a partir de aí as locais volveron ser donas e señoras da pista.
Chegaron os erros do Celta. Perdas de balón inasumibles. Un xogo exterior que facía augas e un interior que non daba parado a Aghayere. O resultado foi un parcial de 14-2 que fixo que, ao final do terceiro cuarto as cacereñas se fosen no electrónico cun tanteo ao seu favor de 51-38.
Cristina Cantero buscou o revulsivo nos cambios pero nin así acadou o obxectivo de remontar o resultado adverso do terceiro cuarto que supuña unha lousa. Chegou a se poñer o Celta Zorka Recalvi a 4 puntos na recta final do partido, pero o resultado final foi de 65-57 para as de Plasencia.
Na seguinte xornada, que se celebrará o sábado 7 de novembro, o Celta Zorka Recalvi recibirá ao conxunto do Adareva. Será ás 18:30 horas no Pavillón Municipal de Navia.
FICHA TÉCNICA
EXTREMADURA MIRALVALLE PLASENCIA (65): Alicia Morales (10), Sofia Aínsa (9), Timawe Weledji (12), Princess Aghayere (16), Stacia Robertson (6) -cinco inicial- Andrea Cueva (5), Rosa Garrido (0), Natalia Pizarro (0), Celia Rodríguez (5) e E. Sánchez (2).
CELTA ZORKA RECALVI (57): Mariona Martín (4), Lucía Fontela (0), Celia García (7), Maja Stamenkovic (7), Marita Davydova (11) -cinco inicial- Ainhoa Lacorzana (5), Noa Comesaña (7), Florencia Niski (2), Clara Prieto (0), Angela Coello (4), e Rose Marie Julien (10).
PARCIAIS: (22-11) (10-17) (19-10) (14-19)
ÁRBITROS: Rodrigo González Morán e Antonio Domínguez Durán. Siñalaron 19 faltas ao Extremadura Miralvalle Plasencia e 21 faltas a Celta Zorka Recalvi. Eliminaron por dúas faltas técnicas ao entrenador local.
INCIDENCIAS: Partido correspondente a la quinta xornada dal Liga Femenina 2 no seu Grupo A. Disputado no Pavillón Ciudad Deportiva de Plasencia en Plasencia (Cáceres), con público.