O conxunto do Pescados Rubén Burela FS inaugurou os compromisos de 2022 cun axustado triunfo ante CD Leganés FS (2-1) que o ascendeu ao punto máis alto da táboa. As pupilas de Lucas acusaron a falta de traballo grupal durante o último mes e as ausencias, pero tamén demostraron saber sufrir para aferrarse aos tres puntos nesta penúltima xornada antes do ecuador da Primeira División do Fútbol Sala Feminino da RFEF.
Con este resultado o vindeiro choque das Guerreiras Laranxas faise aínda máis interesante. Será o Clásico do FutSalFem español. E dicir, as da Mariña xogarán co Futsi Atlético Navalcarnero, un duelo no cumio que pechará a primeira volta (a expensas dos partidos aprazados) e que decidirá o liderado. Será en La Estación o vindeiro sábado ás 18.30 horas.
Entre mentes, nesta xornada na que o Futsi no puido xogar, as xogadoras que adestra Lucas fixeron os deberes. Miriam sacou unha boa man na primeira con perigo das galegas, con dominio e posesión, nas zapatillas de Elenita desde Emilly.
Aínda non se cumpriu o quinto de xogo. Cami puxo a proba á meta rival por partida dobre chegando ao ecuador da primeira parte. O CD Leganés sumou a quinta falta con máis de oito minutos para o descanso e a falta sobre Cilene na banda provocou a ocasión de dobre penalti no 13, con sentenza de Emilly. A 99 do Pescados Rubén Burela volveu dispoñer da mesma oportunidade tres minutos despois, pero Miriam sacou a perna para desbaratala. A meta madrileña respondeu á perfección pouco despois para evitar o segundo, de novo ante Emilly, nun mísil da brasileira tras recuperación de Bea Mateos.
A tan só 9 segundos para recibir o descanso, Elenita mantivo a recado a vantaxe mariñá, neutralizando unha de ouro de Isa García en contragolpe e tras superar a Sandra Buzón.
Empezou caldeada a segunda parte. Jozi resolveu á perfección a falta de Patri e o pau evitou o segundo de Emilly, xa no primeiro minuto da continuación. A meta laranxa volveu frear o perigo das madrileñas pouco despois fronte a Puche. Con todo, foi a 10 do CD Leganés a que conseguiu empatar a contenda no 24, tras recuperación en pista laranxa e co balón morto tras a intervención de Jozi.
Miriam volveu converterse no verdugo das Guerreiras Laranxas, moi insistentes sobre a rede madrileña, na recuperación de Cilene servida a Lara Balseiro antes da medianía do segundo acto. Con dous minutos por diante, Bea Mateos liderou o xogo de cinco en busca dos tres puntos.
Cami recuperou a iniciativa, a tan só 48 segundos da bucina, nunha diagonal de Lara Balseiro. Viviu Vista Alegre unha recta final de infarto con dobre perigo de Isa García e Bea Mateos ao pau.
As Guerreiras Laranxas e a Bomboneira celebraron a primeira vitoria do ano cantando o Feliz Aniversario a Lara Balseiro.
🟢⚽️ Final en Vista Alegre. Las #GuerreirasLaranxas estrenan 2⃣0⃣2⃣2⃣ con ➕3⃣@burelafs 2-1 @CDLeganesFS_Fem
⚽️ @EmillyMarcondes
⚽️ @CamilaGadeia #Burela #Futsal #SomosFutsal pic.twitter.com/q0HBuBtmsU— Pescados Rubén Burela FS (@burelafs) January 22, 2022
FICHA TÉCNICA
2) PESCADOS RUBÉN BURELA FS: Sandra Buzón, Cilene, Cami, Elenita, Emilly – quinteto inicial -. Tamén xogaron: Elena Aragón, M. Cortés, Bea Mateos, Lara Balseiro e Jozi Oliveira
1) CD LEGANÉS FS: Miriam, María, Puche, Patri e Natalia Orive – quinteto inicial -. Tamén xogaron: Guti, Pipi, Chuli, Isa García e Molano.
GOLES: 1-0, minuto 13, Emilly marcondes (dez metros). 1-1, min. 24 Puche. 2-1, min. 40 Cami.
ÁRBITRAS: Fraiz Catalán // Palma Menéndez. Por Burela, amarela para Elena Aragón (minuto 16).
INCIDENCIAS: Partido correspondente á xornada 14 de Primeira RFEF Feminina disputado no Pavillón de Vista Alegre, que gardou un minuto de silencio polo falecemento do presidente do Peñíscola FS, Juan Vizcarro.
Lucas admite que houbo loita pero faltou intensidade no Burela
🎙️ “El equipo ha luchado, ha creído en la victoria y hemos sacado 3 puntos muy importantes para seguir en la zona alta. Nos ha faltado intensidad y físico frente a un @CDLeganesFS_Fem muy bien trabajado, que pelea hasta el último segundo, y hoy se ha visto” Lucas#Burela #Futsal pic.twitter.com/CSm3DWSsrg
— Pescados Rubén Burela FS (@burelafs) January 22, 2022
Iván Labrado, técnico do CD Leganés fala dun partido “moi competido”
🎙️ “Ha sido un partido muy duro, muy competido. Hemos estado muy bien, saboreábamos el punto, incluso hemos tenido opción para el 1-2, pero ha llegado el golpe de realidad con un @burelafs que es especialista en estas situaciones” @IvanLabradoLFS #Burela #Futsal #SomosFutsal pic.twitter.com/K5rYxF3ISv
— Pescados Rubén Burela FS (@burelafs) January 22, 2022