A media maratón Coruña21 regresou ás rúas do Concello da Coruña dous anos despois da súa anterior edición e foi un éxito de participación e de seguimento por parte do público da competición.
A proba congregou a case 1.500 persoas que se inscribiron e correron a C21 no seu retorno tras a obrigada pausa pola situación sanitaria. Hicham Sigueni (Marrocos) e Valentin Jebet (Kenia) foron os gañadores desta proba nas categorías absoluta masculina e feminina respectivamente. A Coruña21 regresou tras dous anos de ausencia e recuperou o seu formato a unha volta. A corredora Tina Fernández foi a primeira galega en cruzar a liña de meta no Obelisco. Finalizou a proba no quinto posto da xeral feminina desta edición da Coruña21.
Tina Fernández foi a primeira galega, quinta na xeral de #Coruña21, proba que gañou Jebet #C21 pic.twitter.com/NtP0GJwRgq
— A Coruña Deportes (@coruna_deportes) February 13, 2022
A media maratón C21, volveu ás rúas coruñesas e recuperou o seu formato a unha única volta co obxectivo de que fose unha carreira rápida e atractiva para corredores e espectadores. O percorrido foi homologado pola Federación Galega de Atletismo.
A saída e a meta estiveron situadas no Obelisco e o percorrido atravesou os peiraos do Porto, como xa se fixera na carreira C10. A Coruña21 transcorreu polo Paseo Marítimo, O Parrote e Oza, percorrendo tamén un tramo sobre o antigo leito do río Monelos.
O marroquí Hicham Sigueni, en categoría absoluta masculina, e a keniana Valentin Jebet, en categoría absoluta feminina, foron os gañadores da competición este ano. Sigueni completou o percorrido cun tempo de 1:03:10, e Jebet fixo o propio deixando o reloxo en 1:15:05. O atleta marroquí estivo acompañado no podio de vencedores por Erick Kiptoo (Kenia) e Yago Rojo (España), mentres que Jebet foi seguida por Fátima Ouahaddou (Marrocos) e Valdilene dos Santos (Brasil).
A competición estableceu saídas en quendas de 300 persoas para respectar o protocolo de prevención do contaxio da COVID-19. Os dorsais dividíronse por código de cores.
Xa temos a proba en marcha, con tandas de 300 deportistas de #Coruña21
A concelleira de Deportes, Mónica Martínez, deu a saída da proba#C21 pic.twitter.com/V5jp5QF103— A Coruña Deportes (@coruna_deportes) February 13, 2022
Nesta carreira, inclusiva, como todas as do circuíto Coruña Corre, non faltaron á cita deportiva os Marines e outras persoas deportistas da Fundación ENKI.
Os Marines @enkifundabrente non faltan á súa cita co deporte e o atletismo‼️ Por suposto, están a participar en #Coruña21 #C21 pic.twitter.com/eMhBcz6eXC
— A Coruña Deportes (@coruna_deportes) February 13, 2022
A alcaldesa da Coruña, Inés Rey, foi a encargada de entregar as medallas e os agasallos aos vencedores desta proba. Estivo acompañada da concelleira de Deportes, Mónica Martínez. A rexedora destacou a alta participación na volta desta proba que naceu no ano 2009 e augurou un gran ano para o atletismo coruñés, con moitas carreiras de distintos niveis de esixencia no calendario.
A concelleirade Deportes Mónica Martínez valoraba como discurriu a proba e lamentaba que o vento impedira bater récords.
Mónica Martínez, concelleira de Deportes, valorou a #Coruña21 con @Higuero_JC#Coruña, cidade do deporte e o atletismo #C21
🎦▶️ pic.twitter.com/B1QFA1S1bB— A Coruña Deportes (@coruna_deportes) February 13, 2022
Entre as coruñesas e galegas que correron esta proba na que atletas populares conviven nun mesmo espazo con atletas profesionais, estivo a campioa olímpica de vela Sofía Toro.
E ti, tamén estiveches hoxe na #Coruña21 como @sofiatoropp?
📷 Accede á galería de imaxes da carreira e a entrega de trofeos a través do seguinte enlace: https://t.co/7amSrEglzj pic.twitter.com/y12ZcLTJOg
— Concello da Coruña (@ConcelloCoruna) February 13, 2022
Tras a carreira C21, as seguintes probas de fondo que se celebrarán nas rúas da Coruña serán a C10 do 24 de abril e o Maratón Atlántico e C10 do 2 de outubro.
O Circuíto Coruña Corre, seguinte cita das populares na cidade herculina
Tras a celebración da carreira Coruña21 este domingo, o circuíto de probas populares Coruña Corre continuará percorrendo os diferentes barrios da Coruña. A seguinte proba será a X Carreira Popular Torre de Hércules, o 26 de marzo.
Para facilitar o acceso da cidadanía ao calendario e actualizacións do circuíto Coruña Corre, o Concello da Coruña impulsou a posta en marcha dunha nova aplicación móbil, xa dispoñible para dispositivos Android e iOS na Play Store e a tenda online de Apple, para que as usuarias e os usuarios interesados nas carreiras populares poidan inscribirse, consultar as súas marcas e os percorridos das probas en todo momento.
Este é o calendario previsto para o circuíto Coruña Corre:
- X Carreira Popular Torre de Hércules #Querémonos vivas (26 de marzo).
- XIII Baixada Popular Cross San Pedro de Visma (8 de maio).
- IX Carreira Popular Os Rosales (22 de maio).
- IX Carreira Popular Volta a Oza (11 de setembro).
- VIII Carreira Popular Ventorrillo (23 de outubro).
- X Carreira Popular Novo Mesoiro (27 de novembro).
O circuíto Coruña Corre finalizará coa celebración, o 15 de decembro, da gala anual coa correspondente entrega de premios.
✅ O medio maratón #Coruña21 foi sinónimo de esforzo, tamén de sorrisos e inclusión: a que simbolizan os Marines Enki da @enkifundabrente. Noraboa aos participantes!
🗓️ E recorda: o circuíto #CoruñaCorre volve o 26 de marzo coa X Carreira Popular Torre de Hércules. Agardámosvos! pic.twitter.com/pb5NGDzRO7
— Concello da Coruña (@ConcelloCoruna) February 13, 2022
