Ourense acolleu recentemente un curso de adestradores de fútbol gaélico nivel Foundation cun éxito total de participantes, segundo informa a Real Federación Galega de Fútbol (RFGF) tendo en conta a incerteza existente neste ano de pandemia.
Este curso teórico-practico amparado pola GAA habilita ás persoas participantes a adestrar equipos de fútbol gaélico e supón o primeiro paso dunha carreira formativa co fin de mellorar as habilidades técnicas e tácticas das adestradoras e adestradores de Galicia para esta modalidade deportiva.
No horizonte a Asociación Galega de Fútbol Gaélico xa está a traballar na organización dun novo curso que abordará o seguinte nivel Award 1, co fin de crear unha canteira de adestradoras e adestradores cada vez mellor preparados nesta disciplina futbolística.
En Galicia hai diferentes clubs con equipos femininos. Tal é o caso de:
- Fillas de Breogán
- Estrela Vermelha
- Herdeiras de Dhais
- Auriense
- Independiente
- Turonia