O talento galego no taekwondo queda patente coa celebración do Open de Sofía. Neste campionato internacional participaron tres galegas, logrando medallas unha delas: Tania Castiñeira.
A galega levouse un bronce no peso pesado da categoría feminina. A taekwondista comezou a competición nos cuartos de final, enfrontándose a Darija Husovic, de Alemañan, á que venceu claramente por un 8-2. Na semifinal a rival foi a tricampioa do mundo, Blanca Walkdren, unha contrincante contra a que Tania Castiñeira tivo opcións ata o final, pero non puido vencer, quedando no terciero posto.
As taekwondistas que quedaron fóra do podio
Tamén participaron neste Open de taekwondo Sara Cortegoso (-46, Mace Sport) e Arlet Ortiz (-57, Mat’s), que quedaron fóra do podio. Arlet superou dúas roldas, caendo nos cuartos de final ante a británica e cabeza de serie número 1, Jade Jones. Pola súa banda, Sara tamén se quedou en cuartos, no que foi o seu primeiro combate.
En categoría masculina deste torneo de taekwondo competiron Iván García, que logrou unha prata caendo ante o turco Emre Kutalmis, tricampión de Europa sub21; Pablo Patiño, tamén conseguiu un metal nas semifinais, onde perdeu contra o xordano Zaid Kareem. En cuartos de final quedou Manu Parada(-68, Natural Sport).
