O Durán Maquinaria Ensino luciuse ante o Casademont Zaragoza ao que venceu por 33 puntos de vantaxe (88-55). Volveuse ver sobre a cancha a Bea Sánchez tras dous meses de parón por unha lesión, e tamén tiveron minutos varias xogadoras junior. Na escuadra local non puido xogar Vega Gimeno por lesión.
Ademais dos puntos, e da abultada vitoria, o Durán Maquinaria Ensino acadaba ante o Zaragoza dous estupendos regalos: a volta ás pistas de Bea Sánchez e o concurso de xogadoras júnior Paula Hoyuelos (1 minuto de xogo e 2 puntos) e Yashina Lebron de so 17 anos (4 minutos disputados, sen anotación).
A entidade lucense destacaba o concurso das xogadoras máis mozas non so no partido se non tamén no traballo entre semana, no que xa fixeran aparición as molestias de Vega Gimeno quen, finalmente, non puido ser da partida ante do Casademont Zaragoza.
🥺 Victoria muy importante. Esta semana el equipo ha estado bajo mínimos por la multitud de molestias de varias jugadoras como @vegagimeno.
Hemos entrenado con 4 Júniors muchos días para completar 4vs4.
GRACIAS DE CORAZÓN POR VUESTRO COMPROMISO. pic.twitter.com/sMK6eY0tY8
— Ensino Lugo (@EnsinoLugoCB) January 15, 2021
A MVP do partido, con 33 puntos de valoración, coincidía coa elección da afección do Ensino na votación que tras cada encontro se fai en Twitter. Non podía ser doutro xeito logo da exhibición que fixo Stanacev sobre a pista do Pazo dos Deportes de Lugo.
Aleksandra Stanacev foi a mellor en diferentes aspectos do xogo, por exemplo, como a maior anotadora do partido con 22 puntos e o 100% de acerto nas canastras triplas (conseguiu seis). A deportista mandou no perímetro como ama e señora desa zona da pista.
🔥⚠️ MVP DE LA AFICIÓN 🔥⚠️
COMANDANTE
STANACEV
🇷🇸🇷🇸🇷🇸🇷🇸🇷🇸6/6 en triples esta noche mágica. #SomosEnsino #LFEndesa pic.twitter.com/6VtNBddUTK
— Ensino Lugo (@EnsinoLugoCB) January 15, 2021
O Durán Maquinaria Ensino foi superior ao Casademont Zaragoza durante todo o partido contando coa aportación cunha espectacular Aleksandra Stanacev, pero tamén do resto do equipo.
O técnico, Carlos Cantero, viu como ao final do primeiro cuarto o equipo que adestra xa ía 14 puntos arriba no electrónico dobrando os puntos das súas rivais (28-14).
No segundo cuarto a situación non mudou para as mañas que volveron recibir un parcial duro por parte das galegas (23-10). Con ese tanteo, as visitantes viron como o partido se lles ía por completo das mans. O luminoso do Pazo lucense reflectía un marcador de 51-24 ao descanso.
No último cuarto as lucenses baixaron un pouco o ritmo e o Casademont Zaragoza conseguiu un 15-18 que deixaría o resultado final nun 88-55.
Este resultado coloca ao Durán Maquinaria Ensino na sexta praza da táboa clasificatoria e ao Casademont Zaragoza na 12ª.
FICHA TECNICA
DURÁN MAQUINARIA ENSINO: Merritt Hempe (12), Van del Adel (19), Aleksandra Stanacev (22), Chatrice White (12), Alba Prieto (7) – quinteto inicial -. Tamén xogaron: Laura Aliaga (5), Hoyuelos (2), Bea Sánchez (9), Yashina Lebron (-), Marta Blanco (-) y Maite Franco (-).
CASADEMONT ZARAGOZA: Laura Nicholls (6), Taylor Wurz (11), Aina Ayuso (5), Gatling (12), Julie Vanloo (13) – quinteto inicial -. Tamén xogaron: Samra Omerbasic (-), Zoe Hernández (2), Chantelle Handy (-), Anna Cruz (2) y Aminata Brahima Sangare (4).
PARCIAIS: 28-14, 23-10, 22-13, 15-18.
ÁRBITROS: Francisco Javier Bravo Logroño e Daniel Checa Nebot e Laura Piñeiro Amondaray. Sen eliminadas.
INCIDENCIAS: Partido correspondente á xornada 21 da Liga Femenina Endesa disputado no Pazo dos Deportes de Lugo entre o Ensino e o Zaragoza ante 50 espectadores debido ás restriccións de aforo por mor da pandemia de COVID-19.
PODES VER AQUÍ O PARTIDO DURAN MAQUINARIA ENSINO VS CASADEMONT ZARAGOZA
