Salamanca será a sede do Campionato de España Sub 23 durante os días 15 e 16 de febreiro. Entre a relación de galegas e galegos desprazados/as, destacan as opcións para a atleta do A.F. Celta e internacional Eva Queimaño, quen estará na loita polos postos importantes da competición. O ámbito masculino contará coa presenza nos 800 m. do tamén internacional e campión de España Sub 20 do ano pasado, Elian Numa López do Coruña Comarca, quen estrea categoría con 1:53.62.
Con importantes opcións de pelexar polos postos de finalistas se atopan Ana Juncal do A.F. Celta en pértega, Laura Santos do Lucus CRG nos 3.000 m, Jaime Arias do Riazor Coruña no concurso de peso, Luis del Río do Celta nos 800 m, Lucía Ferrer da Gimnástica nos 60 valos e Uxía Paz en triplo do A.F.Celta.
Non menos importantes poderán ser os obxectivos de mellora de rexistros persoais dos atletas que tomarán parte nos 60 m. Andrea de Paz do Coruña Comarca, e tanto Lucía Ferrer como Claudia Torres da Gimnástica.
Inés Blanco do Lucus CRG e Inés Costas do A.F.Celta figuran na relación dos 1.500 metros xunto a Adrián Lage do Coruña Comarca. Ademais, Santiago Rozas do Lucus CRG será a aposta do sector “talismán” lucense, os 60 valos. Por último, no triplo, destacará a presenza de Saray Amoedo do Vila de Cangas. Alexandre Barreiro do Lugo Runing, Pablo Saa do Real Club Celta.
