Esta fin de semana, as carreiras en liña abriron en Valladolid o Campionato de España Máster de estrada, na que Eva Ortega foi a protagonista galega. A ciclista de Biciosos-Rías Baixas rematou segunda no máster-30B.
Tras 74 quilómetros de percorrido, con saída e chegada na capital pucelana, Ortega finalizou co mesmo tempo que Cristina Barrado, do Francisco Pizarro. O título desta competición xogouse ao esprint, e a galega tivo que conformarse coa medalla de prata, cedéndolle o campionato a Barrado.
Segundo informa a Federación Galega de Ciclismo, o ciclismo galego sumou ademais varios postos de Top-10 masculinos. Iago Alonso (Chantadino) fixo noveno máster-30B ao remate de 114 km, mesma distancia na que Iván Vidal (Lasal Cocinas-Louriña) clasificouse oitavo nos máster-40B e José Antonio Pazos ‘Ñaka’, undécimo. Pola súa banda, Manuel Prieto (Norinver) asinou a sétima praza entre os máster-60A nos 74 km que completaron os ciclistas máis experimentados.
