Eva Dios Nieto (A Illa de Arousa, Pontevedra, 4 de Marzo de 2002) renovou o seu compromiso co RC Deportivo ABANCA por dúas tempadas máis. Así a futbolista será branquiazul até xuño de 2023.
#ASNOSAS | Eva Dios amplía o seu contrato co #DéporABANCA até 2023 https://t.co/woxKm1zCyL GRAZAS por crer en nós tanto como nós cremos en ti @EvaDios_8! pic.twitter.com/rrw7Rs5Diy
— RC Deportivo (@RCDeportivo) July 6, 2021
A deportista arousá incorporouse o pasado verán ao Deportivo ABANCA B procedente das Viaxes Interrías FF, despois de comezar a súa traxectoria no Céltiga CF para, posteriormente, xogar no Portonovo SD e a Vitoria FC de Santiago.
Con todo, pouco tardou en dar o salto ao primeiro equipo para xa non abandonalo. Eva Dios converteuse nunha das grandes revelacións da Primeira Iberdrola 2020-2021, ademais nunha posición nova para ela, afeita actuar en zona de ataque e sobre todo polo centro. Como carrilera esquerda nunha defensa de cinco participou en 23 dos 34 encontros do campionato, 13 deles como titular.
O palmarés de Eva Dios, internacional Sub-19
Medalla de bronce no Campionato de Europa de fútbol sala para persoas xordas disputado en Finlandia en 2018, onde ademais foi elixida o quinteto ideal do torneo, durante a pasada campaña foi convocada pola selección española Sub-19.
Eva Dios participou en senllas concentracións do combinado dirixido por Pedro López nos meses de febreiro e xuño.
