Dépor ABANCA e Athletic Club citábanse no estadio ABANCA-RIAZOR para disputar a XII edición feminina do Trofeo Teresa Herrera que rematou con vitoria a prol do conxunto coruñés por 2-1 con goles das deportivistas Eva Dios e Millene.
O equipo dirixido pola adestradora Irene Ferreras, que repite no banco branquiazul, debuta esta tempada no feudo herculino despois dunha xira en Portugal de dous partidos amigables no que resultaron derrotadas pola mínima ante o SC Braga e o Sporting CP.
O rival a enfrontar, o Athletic Club, é o segundo equipo máis laureado da máxima competición feminina, con cinco títulos, o último na tempada 2015/2016. Chegaban as bilbaínas a Riazor despois de disputar outros dous encontros amigables, con vitoria ante o Eibar e con táboas ante o terceiro clasificado da Liga F, o Atlético de Madrid.
A cita entre galegas e vascas comezou con máis de dez minutos de retraso debido á tardanza na finalización no anterior encontro, que dirimía o 3º e 4º posto da LXXIX edición do Trofeo Teresa Herrera masculino.
O Dépor Abanca formou cunha alineación similar a que puxo sobre o tepe nos dous amigables previos da xira lusa, nesta ocasión con ADT (Ana de Teresa) en punta e con Samara no lateral dereito substituíndo á capitá, Cris Martínez.
O partido comezaba cun lixeiro dominio do conxunto vasco, creando perigo pola banda dereita, con Elexpuru e Azkona, a capitá do conxunto vizcaíno.
Abre o marcador Eva Dios
Con todo, o Dépor ABANCA reaccionou e a centrocampista da Illa de Arousa, Eva Dios, apenas tardou 10 minutos en abrir o marcador cun disparo exemplar desde 3/4 de campo. Anotaba a deportivisa o 1-0 e poñía as galegas por diante no electrónico de Riazor nesta nova edición do Trofeo Teresa Herrera de fútbol.
⚽️ GOOOOOOOL do #DéporABANCA! GO🔵⚪🔵OOOLAZOOOOOOOOO de Eva Dios no minuto 10! en #ABANCARIAZOR, #DéporABANCAAthletic 1-0 pic.twitter.com/I2tzEKhy8H
— Dépor ABANCA (@RCDeportivoFem) August 10, 2024
Segundo gol do Dépor ABANCA, obra de Millene
O conxunto local sentíase cómodo no partido e tras unha galopada sen éxito de Ainhoa Marín, comeza xogada de novo, e un moi bo xesto da mediocampista, Paula Gutiérrez, rematou cun pase perfecto cara Millene. A futbolista brasileira foi quen de batir á gardameta visitante e facía o 2-0 para as deportivistas tres minutos despois.
A calidade na liña de medio campo do conxunto coruñés contemporizou o partido por uns minutos, creando xogo de forma horizontal, esgotando os esforzos do equipo visitante.
O Athletic Club non estaba a pasar un bo momento no campo e sabía que se quería recortar distancias no marcador tiña que dar un paso máis, e asíu o fixo. Aproveitou a súa rapidez á hora de mover o esférico e gozou de ata dúas ocasións a balón parado, un dos puntos fortes do seu fútbol.
Chegando á media hora de partido, un bo pase do mediocampo vasco, fixo que recibira na punta de ataque Sanadri, que cun perfecto control e un excelente disparo, fixo que a gardameta deportivista, Inês Pereira, non puidera evitar o primeiro dos visitantes. O partido poñíase cun resultado de 2-1 que seguía outorgando o triunfo ao Dépor ABANCA pero que achegaba ao Athletic Club á posibilidade de remontar o encontro neste Teresa Herrera de 2024.
Chegou aí o momento de facer unha pausa de hidratación.
Cando se voltou do ‘cooling break’ o equipo blanco e vermello era outro, crecéndose na última liña e tirando centros por parte de Elexpuru e Gara, ata o momento sen acadar o segundo tanto.
A partir de aí o Athletic Club volcouse ao ataque, pero a férrea zaga do conxunto coruñés, representada por Raquel e a nova fichaxe, Vera Martínez, fixo que non conseguira empatar o partido.
O Dépor ABANCA logrou atoparse cómodo e mantivo o resultado ata o final dos primeiro 45 minutos cos que chegou o tempo de lecer no ABANCA-Riazor.
A segunda metade comezaba con ata 5 trocos tanto no conxunto local como no visitante.
Comeza o segundo tempo!
⏱️ 45’ | 2️⃣ – 1️⃣ |🔁 Cambio en #AsNosas: Entran no campo Altuve, Cris Martínez, Yohana e Hmírová substituíndo a ADT, Samara, Inês Pereira e Millene
📺 https://t.co/TBhAdt3y7i #DéporABANCAAthletic #TrofeoTeresaHerrera pic.twitter.com/I8ua1zmx8b
— Dépor ABANCA (@RCDeportivoFem) August 10, 2024
Ambos conxuntos, renovados polos trocos, sabían que se algo faltaba era a contemporización do esférico, tendo largas posesións que puideran rematar con algunha ocasión de perigo ou algunha acción a balón parado.
O Athletic Club foi a por todas no Teresa Herrera
A batuta tomouna o conxunto dirixido por David Aznar, con disparos desde fóra da área por parte da mediocampista incorporada, Mariana, e a dianteira, Amezaga.
O conxunto local atopou tamén as súas ocasións con dúas boas chegadas da extrema, Ainhoa Marín, antes de ser substituída por Bárbara.
⏱️ 80’ | 2️⃣-1️⃣ |
🔁 Cambio en #AsNosas: Entran no campo Marina Artero, Carlota e Elena substituíndo a Lara, Altuve e Henar.
📺 https://t.co/hHQL0JkQ1d grazas a Auga de Parada!#DéporABANCAAthletic #TrofeoTeresaHerrera pic.twitter.com/BmHo0GlfZ1
— Dépor ABANCA (@RCDeportivoFem) August 10, 2024
Chegaban os minutos finales e o conxunto local, comandado pola canteirán, Carlota, soubo manter a calma e facer que o marcador non se movera ata o final do encontro. O trofeo, a mítica Torre de Hércules, quedábase na casa, na Coruña.
O Dépor ABANCA non errou e fíxose coa XII edición do Trofeo Teresa Herrera feminino. O vindeiro sábado, 17 de agosto, viaxará ao campo da Unquera da localidade cántabra para un novo amigable ante o SD Éibar.
A futbolista galega Eva Dios foi elixida xogadora máis valorada (MVP Estrella Galicia) desta final do LXXIX Teresa Herrera recibindo un trofeo
Eva Dios xogadora MVP @estrellagalicia
Parabéns, Eva! 💙 pic.twitter.com/eQ8X6GaMes
— Dépor ABANCA (@RCDeportivoFem) August 10, 2024
FICHA TÉCNICA
2) DÉPOR ABANCA: Inês Pereira; Samara, Raquel, Vera, Lara; Lucía Martínez, Paula Gutiérrez, Eva Dios; Millene, ADT, Ainhoa Marín. Para os cambios entraron Altuve, Cris Martínez, Yohana, Hmírová, Olaya, Bárbara, Henar, Carlota, Elena e Marina Artero.
1) ATHLETIC CLUB: Quiñones; Elexpuru, Maddi, Landaluze, Pinedo; Azkona, Itxaso; Nahikari, Gara, Sara Ortega; Sanadri. Para os cambios entraron Zubieta, Nerea Nevado, Amezaga, Baños, Mariana, Nanclares, Vilariño, Zugasti, Ohiane e Estefa.
GOLES: 1-0: Eva Dios (min. 10). 2-0: Millene Cabral (min. 13). 2-1: Sanadri (min. 30).
EQUIPO ARBITRAL: Zulema González, auxiliada por Iria Rosendo e Lorena Novas e Beatriz Cuesta, todas elas colexiadas do comité galego.
INCIDENCIAS: Final da XII edición do Trofeo Teresa Herrera feminino, disputado no Estadio ABANCA-Riazor na cidade da Coruña. O partido xogouse ás 18:30 da tarde televisado por TVG2 e pola canle de YouTube do RC Deportivo con patrocinio de Auga de Parada.
