O fútbol galego trunfa a nivel estatal. Pedro López ven de facer pública a convocatoria da Selección Española sub19, na que estará a galega Eva Dios.
Despois do partido deste domingo, 14 de febreiro, do Dépor ABANCA ante o Betis, a futbolista Eva Dios desprazarase a terras andaluzas para formar parte da concentración que se extenderá do 15 ao 19 deste mes en Marbella.
Esta non será a primeira experiencia da xove deportivista coa camisola vermella. Eva Dios xa competiu con este combinado no ano 2019, cando conseguiu unha medalla de bronce no Campionato de Europa de Fútbol Sala para persoas xordas disputado en Finlandia. Naquel torneo, a galega foi elixida como parte do quinteto ideal e a mellor xogadora xove.
Ademais, o Dépor ABANCA xa forneceu de xogadoras á Selección sub19 en varias ocasións. Futbolistas como Nuria Rábano, Teresa Abelleira, Malena Mieres, Athenea del Castillo, María Méndez e Carlota Sánchez forman parte do pasado do equipo agora dirixido por Pedro López.
