O Campionato de Galicia de Trail disputouse na Serra do Barbanza con excelentes resultados. A competición, organizada pola Federación Galega de Atletismo en colaboración coa Asociación Deportiva do Barbanza e o Concello de A Pobra do Caramiñal, citou a preto de 200 participantes.
A proba foi máis dura do habitual debido ás altas temperaturas, pero as atletas deron un gran espectáculo no circuíto de 25 km.
Na categoría feminina, Eva de la Fuente, do Club Brion-Hyupersa Santiago, proclamouse campioa da proba absoluta cun rexistro de 3:0:45, e tamén da máster 45.
En segundo lugar da absoluta rematou Ena Fernández, do CD Biosbardo, a só dazasete minutos da vencedora. O posto de bronce foi para María José Grobas, do CA Boimorto, finalizando a proba a 25 minutos de de la Fuente.
O resto de gañadoras das probas trail
O club da gañadora feminina absoluta, o Brion-Hyupersa Santiago, foi ademais o mellor equipo da competición de trail, quedando en segundo lugar o Club Atletismo O Pino.
No referente ao resto de categorías de idade, Noemí Sanmartín, do Pino, foi a campioa sub23. En senior, Enara Fernández, do Biosbardo, colgouse o ouro. No máster 40, Marina Tasende, tamén do Pino, triunfou sobre o resto de participantes.
