A Coruña acolleu diferentes acontecementos deportivos esta fin de semana. Se onte era a quenda do 34º GP Internacional Cantóns de Marcha da Coruña, hoxe esta cidade de Galicia recibía as persoas participantes no Campionato de España Individual e de Seleccións Autonómicas de Marcha Nórdica “III Trofeo Cidade da Coruña”. A proba disputouse na contorna da Torre de Hércules e o triunfo feminino por seleccións foi para Euskadi e individiual para Sonia Miras.
1. Selección de Galicia de Marcha Nórdica / CONCELLO DA CORUÑA
Selección de Galicia de Marcha Nórdica / CONCELLO DA CORUÑA
2. O deporte coruñés está de volta / CONCELLO DA CORUÑA
O deporte coruñés está de volta / CONCELLO DA CORUÑA
3. Saída do Campionato de España de Marcha Nórdica 2021 / CONCELLO DA CORUÑA
Saída do Campionato de España de Marcha Nórdica 2021 / CONCELLO DA CORUÑA
4. O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
5. O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
6. O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
7. O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
O Parque escultórico da Torre de Hércules acolleu o Campionato de España de Marcha Nórdica 2021 / CONCELLO DA CORUÑA
Na saída do Campionato de España Individual e de Seleccións Autonómicas de Marcha Nórdica púidose comprobar que desde o primeiro momento as e os deportistas iniciaron a proba a bo ritmo.
Esta foi a saída da proba 🎥 #ODeporteEstáDeVolta #MarchaNórdica #Coruña https://t.co/FfRkOlqOBP pic.twitter.com/XdbSbIFN5F
— A Coruña Deportes (@coruna_deportes) June 6, 2021
Un circuíto de 14 quilómetros integrado no Parque Escultórico da Torre de Hércules foi o escenario dunha competición na que participaron deportistas de oito comunidades autónomas, incluída Galicia que debutaba cun combinado autonómico nesta cita estatal.
Euskadi, en categoría masculina, e Andalucía, na feminina, gañaron o Campionato de España de Marcha Nórdica por seleccións que se vén de disputar na contorna da Torre de Hércules
En individuais, vitorias para Sonia Miras e Ramón Álvarez#ODeporteEstáDeVolta #MarchaNórdica #Coruña https://t.co/JkwKztu8sG pic.twitter.com/eDGi4chV9J— A Coruña Deportes (@coruna_deportes) June 6, 2021
Sonia Miras proclámase en Galicia campioa de España individual
No campionato por seleccións participaron un total de once comunidades autónomas. A expedición máis ampla foi a que chegou de terras de Euskadi con 31 persoas participando. Seguille por número de persoas integrantes a Selección de Andalucía, con 28 marchadores.
A Selección de Galicia, que debutaba, montou un equipo composto por un total de 26 persoas participando neste campionato estatal.
A Selección de Euskadi, en categoría feminina, e a Selección de Andalucía, na masculina, foron as comunidades que resultaron vencedoras no Campionato de España de Marcha Nórdica no apartado competitivo de seleccións.
Na categoría individual feminina o triunfo foi para a andaluza Sonia Miras, que asinou un tempo de 1:35:51. A segunda en cruzar a liña de meta foi a vasca Izaskun Bengoa, seguida da andaluza Arantxa Pinedo que completaron o podio absoluto feminino cun tempo de 1:39:36.
Nestas imaxes da conta da Concellaría de Deportes da Coruña en Twitter, pódese ver á marchadora andaluza Sonia Miras cruzando a liña de meta en primeiro lugar proclamándose deste xeito a vencedora feminina individual deste Campionato de España de Marcha Nórdica.
Sonia Miras, primeira muller que cruza a meta do Campionato de España de Marcha Nórdica e probable gañadora a falta dos resultados definitivos 👇#ODeporteEstáDeVolta #MarchaNórdica #Coruña https://t.co/LQtS3ss6jG pic.twitter.com/bY4Zq8gcKr
— A Coruña Deportes (@coruna_deportes) June 6, 2021
Na competición individual masculina a vitoria foi para o valenciano Ramón Álvarez, cun tempo de 1:28:24. Un chisco máis dun minuto despois completaba o circuíto o vasco Ramontxo Arandia cun tempo de 1:29:35. Mentres que o andaluz Juan Carlos Cabello foi terceiro na categoría individual masculina parando o crono nos 1:39:36.
Otro momento histórico foi cando cruzou a meta o primero dos membros da Selección de Galicia, de recente creación.
Tamén cruzan a meta os primeros membros/as da selección galega, de recente creación, neste Campionato de España Marcha Nórdica 2021 #ODeporteEstáDeVolta #MarchaNórdica #Coruña https://t.co/jUnuspO7Jj pic.twitter.com/WBYOzmk0zS
— A Coruña Deportes (@coruna_deportes) June 6, 2021
O bo ambiente reinou antes, durante e despois da proba. Nesta imaxe pódese ver a unha voluntaria da organización, nunha parte do traxecto, enviándolle folgos ás marchadoras galegas para que continúen o seu esforzo
Importante, o papel dos/as voluntarios/as do Campionato de España de Marcha Nórdica 👇#ODeporteEstáDeVolta #MarchaNórdica #Coruña https://t.co/Mo2I4IBaV0 pic.twitter.com/ArVsKLg9nD
— A Coruña Deportes (@coruna_deportes) June 6, 2021
Paso das e dos marchadores pola contorna da Torre de Hércules, Patrimonio da Humanidade da UNESCO, deixa imaxes para o recordo nas retinas espectadores e deportistas. O circuíto deste Campionato de España de Marcha Nórdica 2021 constaba dunha primeira volta de 5 km, seguida de tres voltas a un circuíto de 3 km cada unha. Deste xeito a suma total de quilómetros alcanzaba os 14.
Os marchantes xa están en acción nesta mañá co faro milenario de testemuña!! #ODeporteEstáDeVolta #MarchaNórdica #Coruña https://t.co/Rl6z67JaCG pic.twitter.com/MdUP3czYu8
— A Coruña Deportes (@coruna_deportes) June 6, 2021
Na entrega de premios deste Campionato de España Individual e de Seleccións Autonómicas de Marcha Nórdica “III Trofeo Cidade da Coruña”, contouse coa presenza da concelleira de Deportes do Concello da Coruña, Mónica Martínez, do presidente da FEDME (Federación Española de Deportes de Montaña y Escalada), Alberto Ayora, así como do presidente da Federación Galega, Adolfo Puch, entre doutras personalidades.
A Selección Irmandiña cantou o himno galego e outra peza popular
Logo de rematar a súa participación neste Campionato de España Individual e de Seleccións Autonómicas de Marcha Nórdica “III Trofeo Cidade da Coruña”, as persoas integrantes da Selección Galega desta disciplina uníanse para cantar o Himno de Galicia e rematar o seu debut competitivo entonando un clásico da canción popular e das festas: “Vivir na Coruña, que bonito é!”
🎶 Himno galego e Vivir na Coruña que bonito é‼️ 14 kilómetros e ainda quedan folgos!!
Campionato de España Marcha Nórdica 2021 #ODeporteEstáDeVolta #MarchaNórdica #Coruña https://t.co/EZMVGeUeks pic.twitter.com/RgRyuSJkwb— A Coruña Deportes (@coruna_deportes) June 6, 2021
Podio do Campionato de España de Marcha Nórdica de Seleccións Autonómicas
Categoría feminina:
- Selección Vasca EMF – FVM
- Selección Andalucía FAM
- Selección Madrid FMM
Categoría masculina:
- Selección Andalucía FAM
- Selección Valencia FEMECV
- Selección Vasca EMF – FVM
Podio do Campionato de España de Marcha Nórdica Individual
Categoría feminina:
- Sonia Miras Herrera 1:35:51 FAM (Andalucía)
- Izaskun Bengoa Pérez 1:38:35 EMF-EMF
- Arantxa Pinedo Ibañez 1:39:36 FAM (Andalucía)
Categoría masculina:
- Ramon Álvarez Borrás 1:28:24 FEMCV
- Ramontxo Arandia Godaracena 1:29:35 EMF- EMF
- Juan Carlos Cabello 1:39:36 FAM (Andalucía)
