Seguir en Europa só depende delas mesmas. A vitoria de hoxe sería unha das chaves que debe acadar o Durán Maquinaria Ensino para levar a Lugo ao máis alto e seguir co súa andaina na Eurocup. As xogadoras xa o teñen gravado na mente: ganar, ganar e ganar. Polo que hoxe, 3 de novembro, será un día sinalado para elas como para todas as seareiras e os seareiros que se achegue ao Pazo Provincial dos Deportes.
“Dependemos de gañar aquí e logo ir a Bélxica e tamén gañar. Conseguindo a vitoria neses dous partidos estaríamos na seguinte fase da competición”, así o comentou o adestrador do Ensino de Lugo, Miguel Ángel Ortega, en rolda de prensa. Na Eurocup, tan só suman unha vitoria e dúas derrotas ante o Canasta Kangoeroes e o Valencia Basket de galega Raquel Carrera, as vixentes campioas do título da Eurocup tempada anterior.
Miguel Ángel Ortega, adestrador do Durán Maquinaria Ensino: “Dependemos de nós mesmas. Temos que gañar estes dous partidos para continuar na Eurocup”.
As xogadoras da cidade lucense reciben na a súa pintura ás 20.15 horas ao Basket Namur Capitalae, as cales suman nesta competición tres derrotas consecutivas. Os equipos na clasificación xeral da Eurocup estan empatados a puntos con 4.
Día de partido, día de Pazo ‼️‼️‼️‼️‼️‼️ pic.twitter.com/YEvX6TDTU7
— Ensino Lugo (@EnsinoLugoCB) November 3, 2021
“É un partido que temos moi claro. Fai moi pouco tempo que xogamos contra elas e nada cambiou desde entón en canto ó rival. A información que dispoñemos delas é a mesma que tiñamos e imos a intentar repetir o partido que fixemos na súa casa”, apuntou Ortega.
O pasado 14 de outubro, as galegas impuxéronse ao Namur por 48 a 51 cuns parciais de 14-17, 10-13, 16-13 e 8-14. “Fomos con sete xogadoras e saíunos un partido moi bo en todos os aspectos, tanto no ataque coma na defensa”, dixo o adestrador do equipo galego que xoga na Liga Endesa.
As únicas xogadoras que foron capaces de facerlles dano cos seus tiros foi a parella formada por Batabe Zempare con 15 puntos e Cordillera Courtney, con 12. Por parte das lucenses as mellores foron Marina Lizarazu con 14, Sofía Silva con 12, Helena Oma con 10 e Georgina Bahi, con 9.
No primeiro partido da Eurocup, o Ensino tivo moitas baixas
As baixan aterran ao Durán Maquinaria Ensino desde principios desta tempada. Entre elas destaca un dos seus grandes fichaxes de verán, a galega e varias veces internacional coa selección nacional de baloncesto feminino, Tamara Abalde. Pola cal teremos que esperar ata 2022 para vela xogar de tres ou catro na pintura.
Recordemos que a galega estivo na lista da selección nacional para disputar os Xogos Olímpicos de Toquio 2020, aínda que non chegou a pisar as pistas da cidade xaponesa por decisión técnica.
Como dicíamos anteriormente, no partido de ida e primeiro da competición europea ante o Namur, as lucenses contaban con tan só sete xogadoras. Hoxe en día, contan con tres baixas. “Estamos máis tranquilos. Foi unha situación moi adversa e agora nos adestramentos hai moita máis ledicia. Podemos traballar moito mellor e eu estou máis animado”, comentaba Miguel Ángel Ortega.
Miguel Ángel Ortega, adestrador do Ensino: “Estamos máis tranquilas. Agora nos adestramentos podemos traballar moito mellor e eu estou moito máis animado”.
Ademais, despois de 35 días de baixa debido as dúas lesións que sufriu na pretempada e na primeiro partido, a xogadora Alba Prieto. O seu adestrador tivo moi boas palabras para ela pola súa recuperación: “A nivel físico a vexo moi ben. É unha chica moi xoven que se coida moito. Fixo un gran esforzo, coidándose, facendo unha dieta e realizando un traballo extra e rigoroso. Tómate este tipo de temas con moita profesionalidade”.
Georgina Bahi recibiu a chamada da selección nacional
A xogadora do Ensino de Lugo, Georgina Bahi, unha das máxima anotadoras do equipo galego na Eurocup, recibiu a pasada semana a chamada da selección nacional de baloncesto feminino. Será unha das 12+2, xunto con as galegas Raquel Carrera e Paula Ginzo, que escolleu o novo seleccionador, o vigués Manuel Méndez.
Miguel Ángel Ortega enchouse de ledicia ao coñecer esta noticia sobre unha das súas: “Fainos moita ilusión porque é moi merecido, xa veña pola súa traxectoria, a súa actitude, o seu baloncesto, a súa profesionalidade ou pola súa cabeza privilexiada”.
“Dalle un valor extra ao grupo, ademais de colaborar e axudar incluso ao adestrador. Merécese moito a chamada da Selección Española. Alégrome moito por ela. Cando aparte de conseguilo, merécelo é unha maior satisfacción”, engadiu o adestrador do Durán Maquinaria Ensino.
FICHA TÉCNICA
DÚRAN MAQUINARIA ENSINO: Alba Prietro, Alessandra Orsili, Marina Lizarazu, Laura Aliaga Romero, Georgina Bahi, Helena Oma, Sofía Silva, Chatrice Blanco, Paola Ferrari, Paula Hoyuelos e Elena Lijo.
BASKET NAMUR CAPITALE: Eva Ban Gils, Lut De Meyer, Ivana Katanic, Kyra Billiaert, Marie Vervaet, Laure Resimont, Eline Maesschalck, Becky Massey, Ae’Rianna Harris e Billie Massey.
HORARIO: 20.15 horas
LUGAR: Pazo Provincial dos Deportes – Lugo.
INCIDENCIAS: Partido correspondente á cuarta xornada da fase de grupos da Eurocup.
