Galicia conta con catro árbitros con escarapela FIFA, é dicir, con categoría internacional. Dúas son mulleres: Eugenia Gil Soriano e Zulema González. Os outros dous son homes: Alejandro Muñiz Ruiz e Diego Sánche Rojo.
Zulema González e Diego Sánchez Rojo xa contaba con esta categoría e agora a coruñesa Eugenia Gil Soriano e o pontevedrés Alejandro Muñiz Ruiz súmanse á lista de árbitros que contan con escarapela FIFA.
Acto de entrega de escarapelas
Deste xeito a arbitraxe galega conta con catro árbitros internacionais. A coruñesa Eugenia Gil Soriano e o pontevedrés Alejandro Muñiz Ruiz recibiron este martes a escarapela da FIFA que os acredita como árbitros internacionais a todos os efectos desde o vindeiro 1 de xaneiro. Deste xeito, Alejandro Muñiz e Eugenia Gil súmanse á ourensá Zulema González, internacional desde 2019, e ao coruñés Diego Sánchez Rojo, asistente FIFA desde 2023.
Os catro estiveron acompañados por Bernardino González, presidente do Comité Galego de Árbitros e vicepresidente do Comité Nacional, así como por un grupos de compañeiros e compañeiras do colectivo arbitral galego que militan nas principais categorías nacionais. Tamén estivo a responsable da arbitraxe feminina, a tamén galega Yolanda Parga.
Na súa conta de Instagram Eugenia Gil botaba a mirada atrás para ver “a esa nena de 14 anos que un día decidiu ser árbitra e que onte cumpría un dos seus grandes soños. Podo admitirvos que o camiño non ten sido doado, pero cada tropezo e dificultade convertiume na persoa que son hoxe e síntome agradecida por iso”
Na lista de persoas ás que a colexiada galega adicaba esta escarapela FIFA están “as persoas que me tendes acompañado no camiño, sen vós nada disto sería posible. Sodes imprescindibles no proceso”. A coruñesa fixo unha mención espcial á súa “familia, irmáns, a miña parella e como non… a ti mamá. Estou certa de que desde o máis alto sentirás fachenda por min. Eres o meu motor a miña gasolina para pelexar cada día. Por ti, por nosoutras, conseguímolo!”, confesaba a árbitra internacional.
Ver esta publicación en Instagram
Na Real Federación Galega de Fútbol declaran “sentir orgullo dun colectivo que esta tempada supera a cifra dos 1.500 colexiados”.
