Os árbitros galegos de Segunda Federación superaron os controis físicos que tiveron lugar en Las Rozas (Madrid) durante o seminario de inicio de tempada organizado polo Comité Técnico de Árbitros da Real Federación Española de Fútbol (RFEF). Na cita estivo tamén a colexiada galega Eugenia Gil Soriano que participou dentro do Programa Élite para árbitras de Primera División Femenina, segundo informa a Real Federación Galega de Fútbol.
Os representantes do Comité Técnico Galego de Árbitros de Fútbol foron os seguintes colexiados:
- José Antonio Fernández Rodríguez (Ourense)
- Miguel Ferrol Muñiz (Santiago)
- Alberto Gómez Lameiro (Pontevedra)
- Alexandre López Vila (A Coruña)
- Miguel Oliveira Dios (Pontevedra)
- Eugenia Gil Soriano (A Coruña) dentro do Programa Élite para árbitras de Primeira División Feminina
Tres foron as colexiadas galegas seleccionadas para ese programa, en concreto Zulema González González e Eugenia Gil Soriano, e a árbitra asistente Iria Rosendo González.
O obxectivo final de programa pioneiro é, segundo explica a RFEF, “incrementar a formación do conxunto e o nivel de esixencia da arbitraxe feminino profesional, permitindo a súa promoción dentro do fútbol masculino”.
Ademais dos árbitros de Segunda Federación, tamén asistiu o árbitro de Primeira Federación Daniel Pastoriza Iglesias (Pontevedra), quen non puido asistir na quenda anterior.
As colexiadas de Primera, entre delas Eugenia Gil, citadas para setembro
As árbitras que esta campaña impartirán xustiza na Primeira División Feminina asistirán na quenda do 1 ao 4 de setembro. Tal e como lembran desde o Comité Técnico Galego de Árbitros de Fútbol están nesa caso as colexiadas:
- Zulema González González (Ourense)
- Beatriz Cuesta Arribas (A Coruña)
- Eugenia Gil Soriano (A Coruña)
Ademais das árbitras asistentes
- Iria Rosendo González (Pontevedra)
- Lorena Novas Benavides (Ourense)
- Iris Romero Cancelas (Pontevedra).
Asistirán na quenda do 1 ao 3 de setembro as árbitras de Primera Federación Feminina:
- Elena Casal Fernández (Vigo)
- Selina Álvarez Blanco (Ourense)
