- O fútbol e o fútbol sala galegos presentan ata 12 candidaturas para formar parte da Asemblea Xeral da Real Federación Española de Fútbol (RFEF) entre delas están varias mulleres como Eugenia Gil Soriano, Eva López, Irene Ferreras e Irene Samper.
Esta fin de semana pasado pechouse o prazo para a presentación de candidaturas á Asemblea Xeral da Real Federación Española de Fútbol.
Segundo informa a Real Federación Galega de Fútbol o fútbol e o fútbol sala galegos contan con ata 12 representantes na lista provisional de candidatos feita pública pola Comisión Electoral.
- RC Celta e RC Deportivo no estamento de clubs profesionais.
- Arosa SC e Bergantiños FC no estamento de clubs non profesionais.
- Burela FS no estamento de clubs de fútbol sala.
- Pablo Carabán (CD Estradense), Eva López (As Celtas) e Álvaro Casas (SD Compostela) no estamento de futbolistas non profesionais.
- Eugenia Gil Soriano no estamento de árbitros do fútbol profesional.
- Daniel Dacal no estamento de árbitros de fútbol sala.
E a estes 10 candidatos debemos sumar a dúas candidatas que non son galegas pero que militan en equipos galegos: Irene Ferreras (adestradora do Dépor Abanca) no estamento de adestradoras e Irene Samper (xogadora do Burela FS) no estamento de xogadoras de fútbol sala.
Na seguinte acta da Comisión Electoral podedes ver todas as candidaturas provisionais para a Asemblea da RFEF: ACTA Nº5 da Comisión electoral
Rafael Louzán, membro da Xunta Xestora da RFEF
O presidente da Real Federación Galega de Fútbol, Rafael Louzán, é un dos nove membros da Xunta Xestora que agora mesmo goberna a RFEF unha vez aberto o proceso electoral.
No seguinte enlace pódese consultar toda a información referente ao proceso electoral da RFEF: Eleccións RFEF 2024.
