A árbitra Eugenia Gil Soriano segue dando pasos na súa carreira deportiva e será a colexiada dunha das semifinais da Copa da Raíña. A galega estará á fronte do partido entre o Madrid CFF e o FC Barcelona, previsto para este mércores, 26 de maio, ás 19:00 horas.
A colexiada é a única procedente de Galicia nesta fase da competición. Porén, os cuartos de final contaron con outra galega, Beatriz Cuesta Arribas, quen arbitrou no Madrid CFF contra o Real Madrid.
Nos cuartos de final tamén estivo presente Eugenia Gil, quen arbitrou o Real Sociedad vs Atlético de Madrid, Nesta nova cita, a galega estará acompañada por Sara Fernández, do colexio asturiano, como cuarta árbitra, Rocío Puente, do colexio cántabro, como primeira asistente, e Belinda Castilla, do colexio tinerfeño, como segunda asistente.
O outro partido da semifinal, que enfronta a Atlético de Madrid e Levante UD, terá a Ainara Acevedo, do colexio catalán, como principal colexiada. Con ela estarán Arantza Gallastegui, Matilde Esteves-García e Adriana García.
