A semifinal da Supercopa de España, que enfronta ao Levante co Atlético de Madrid, terá representación galega no campo coa árbitra Eugenia Gil.
A colexiada estará acompañada pola tamén galega Iria Rosendo como segunda asistente. O cuerpo arbitral complétase con Belinda Castilla como asistente principal e Sara Fernández como cuarta árbitra.
Este encontro, que dará o segundo billete á final tras a vitoria acadada polo FC Barcelona ante o Real Madrid na primeira semifinal, disputarase este xoves 20 ás 19:30 horas. O duelo poderá seguirse en Teledeporte.
Recentemente, Eugenia Gil foi galardoada polo xornal Marca como mellor árbitra. Así mesmo, esta non será a primeira semifinal dunha competición estatal que arbitre a galega, xa que xa estivo presente na semifinal de Copa da Raíña entre o Madrid CFF e o FC Barcelona celebrada no pasado mes de maio.
