Un estudo do SERGAS acaba de inferir que a incidencia da enfermidade por COVID-19 é inferior no deporte federado (nos mesmos rangos de idade e en ambos os sexos) que na poboación en xeral.
Trátase dos resultados preliminares dun estudo que realiza o Servizo Galego de Saúde (SERGAS) neste ámbito, o deporte federado galego. Ademais é mesmo inferior naqueles rangos de idade nos que se realizan tests de cribado cada 14 días ao 100% dos deportistas xa na fase de adestramento, segundo expuxo Rocío Seijo, enfermeira do Complexo Hospitalario Universitario da Coruña (CHUAC), na presentación destes primeiros resultados.
En concreto, Rocío Seijo apuntou que os brotes detectados “apenas afectan ao 0,2% dos equipos federados” e remarcou a importancia do uso de máscaras e os test periódicos que se realizan para evitar contaxios. “O deporte federado é seguro”, destacou, á súa vez outro dos participantes no estudo, o investigador Jorge Suanzes.
“Os protocolos ordenan, os tests detectan e a máscara protexe, e este estudo confirma que as medidas levadas a cabo foron as oportunas”, sentenciou, á súa vez, o secretario xeral para o Deporte da Xunta de Galicia, José Ramón Lete Lasa.
Jorge Suanzes Hernández, colaborador da investigación: “O deporte federado é seguro”,
Estes datos e estas conclusións do mencionado estudo foron presentadas onte martes, 2 de marzo de 2021, nunha rolda de prensa froito do estudo que está a realizar o SERGAS sobre a incidencia da COVID-19 no deporte federado galego.
Inicialmente, deseñouse un estudo para valorar a incidencia de SARS-COV-2 na poboación infantil e xuvenil (idade igual ou menor de 18 anos) que practica fútbol federado, en colaboración coa Real Federación Galega de Fútbol (RFGF). Trala avaliación favorable do Comité de Investigación Clínica da Coruña-Ferrol, púxose en marcha en toda a Comunidade Autónoma de Galicia e ampliouse a máis deportes.
Un total de 180.000 licencias de diferentes deportes
O estudo do SERGAS (Servizo Galego de Saúde) finalmente abarca a máis de 180.000 licenzas deportivas federadas, xa que se incluíron outros deportes, ademais do fútbol. E deles, 85.500 persoas teñen entre idades comprendidas entre 4 e 17 anos, o que supón que neste estudo está presente o 27,6% da poboación infanto – xuvenil galega que practica algún dos deportes incluídos no estudo do SERGAS.
Este acordo, entre o Instituto de Investigación Biomédica da Coruña (INIBIC) e o SERGAS (Servizo Galego de Saúde), as federacións deportivas e a Secretaría Xeral para o Deporte da Xunta de Galicia, permitirá valorar en todo momento a posibilidade de contaxio da COVID-19 ao longo da actividade deportiva.
O equipo que fixo o estudo está comandado por Rocío Seijo
Este proxecto do SERGAS está liderado por Rocío Seijo Bestilleiro, enfermeira do CHUAC (Complexo Hospitalario Universitario da Coruña) e responsable da área de investigación en Saúde Poboacional e Coidados Sanitarios do Instituto de Investigación Biomédica da Coruña (INIBIC).
Como investigadores colaboradores participan neste estudo Jorge Suanzes Hernández e Sonia Pértega Díaz, da Unidade de Apoio á Investigación do CHUAC – INIBIC, e membros da mesma área de investigación e Javier Rico Díaz, da Secretaría Xeral para o Deporte da Xunta de Galicia, ademais de María José Pereira, xefa do Servizo de Medicina Preventiva do Complexo Hospitalario Universitario da Coruña (CHUAC).
Ademáis compre salientar ao “Grupo de investigación Aprendizaxe e Control do movemento humano en Actividade Física e Deporte” da Universidade de A Coruña, no que participan Rafael Martín Acero, Joaquín Gómez Varela e Dan Río Rodríguez.
Coa colaboración da Secretaría Xeral para o Deporte da Xunta de Galicia, este estudo do Servizo Galego de Saúde (SERGAS) tamén lévase a cabo na totalidade das federacións galegas.
“Hai evidencia concluínte de que a actividade física frecuente mellora substancialmente a forma física e o estado de saúde de nenos e novos. En comparación cos nenos e mozos inactivos, os que fan exercicio presentan un mellor estado cardiorrespiratorio e maior resistencia muscular, e unha mellora da súa saúde, menor graxa corporal, un perfil de risco de enfermidade cardiovascular e metabólica máis favorable, unha mellor saúde ósea, e unha menor presenza de síntomas de ansiedade e depresión”.
Coa colaboración da Secretaría Xeral para o Deporte da Xunta de Galicia, este estudo do SERGAS tamén lévase a cabo na totalidade das federacións galegas.
“A limitación da práctica deportiva como consecuencia da pandemia, en poboación infantil e xuvenil e, en particular, as limitacións da práctica deportiva federada, poden ter importantes repercusións na saúde física e emocional deste grupo poboacional, sen documentarse ata o momento a incidencia real do SARS-COV-2 neste ámbito.”
Lete Lasa: “Os protocolos ordenan, os tests detectan e a máscara, protexe”
Pola súa banda, o secretario xeral para o Deporte, José Ramón Lete Lasa, destacou o “traballo constante, minucioso, coordinado e consensuado en todo momento con todo o tecido deportivo galego” orientado cara a xestión da pandemia desde o ámbito da actividade física.
“Os brotes detectados apenas afectan ao 0,2% dos equipos”
Neste sentido lembrou que as medidas implantadas con responsabilidade pola Xunta de Galicia desde o inicio da crise contaron con tres ferramentas imprescindibles como os os protocolos, os tests e a máscara. “Os protocolos ordenan, os tests detectan e a máscara, protexe, e este estudo presentado hoxe confirma que as medidas levadas a cabo foron as oportunas”, sentenciou.
Cos datos que se teñen ata este momento pódese afirmar que “a incidencia da enfermidade pola COVID-19 é inferior no deporte federado nos mesmos rangos de idade e en ambos sexos que a poboación xeral”
Cos datos dos que se dispón ata este momento, pódese afirmar que “a incidencia da enfermidade pola COVID-19 é inferior no deporte federado nos mesmos rangos de idade e en ambos sexos que a poboación xeral. Ademais é mesmo inferior naqueles rangos de idade nos que se realizan tests de cribado cada 14 días ao 100% dos deportistas xa na fase de adestramento. Os brotes detectados apenas afectan ao 0,2% dos equipos. Estes datos poñen de manifesto a seguridade dos protocolos e o bo rastrexo na comunidade que leva a cabo o SERGAS”, explican.
