- Ambas as entidades, Estrella Galicia e Universitario Ferrol, chegan a un acordo de patrocinio para as próximas dúas tempadas.
- O equipo de baloncesto feminino ferrolán que compite na máxima categoría contará co apoio de Estrela Galicia e de Cabreiroá como cervexa e augas oficiais.
Estrella Galicia e o BAXI Ferrol anunciaron o seu acordo de patrocinio polo que ambas as entidades estarán vinculadas durante as próximas dúas tempadas. O equipo de baloncesto feminino ferrolán contará co apoio da empresa galega a través de dúas das súas marcas: Estrella Galicia e Cabreiroá, como cervexa e augas oficiais.
Santi Rey, presidente do BAXI Ferrol, sinala que: “Para o noso club é moi importante que se somen ao proxecto empresas como Estrella Galicia, que nos dan unha maior visibilidade e permítennos ver o futuro con máis tranquilidade. Esperamos que este acordo sexa frutífero para ambas as partes e que esta unión sexa moi duradeira, porque iso axudaríanos a tratar de consolidarnos cos mellores equipos do baloncesto feminino español”.
Santi Rey, presidente do BAXI Ferrol sobre o acordo de patrocinio con Estrella Galicia e Cabreiroá: “Esperamos que este acordo sexa frutífero para ambas as partes e que esta unión sexa moi duradeira, porque iso axudaríanos a tratar de consolidarnos cos mellores equipos do baloncesto feminino español”
Pola súa banda, Jaime Perozo, de Patrocinios Deportivos de Estrela Galicia, afirma que “para nós é un orgullo anunciar esta unión co Baxi Ferrol. Imos tentar axudarlles a que continúen demostrando o nivel ao que nos teñen afeitos na máxima categoría do baloncesto feminino. Ferrol é unha cidade cunha traxectoria sólida neste deporte e estamos seguros de que esta relación que iniciamos hoxe vainos a dar alegrías a longo prazo demostrando o potencial deportivo que temos en Galicia”.
A traxectoria do BAXI Ferrol ao que patrocinará Estrella Galicia
Fundado en 1997, o Universitario de Ferrol é un club que actualmente afronta a súa 7ª tempada na liga Feminina Endesa (1ª división do baloncesto feminino español) e xogou 14 tempadas en Liga Feminina 2.
No seu palmarés convén destacar cinco títulos de Copa Galicia, gañados de forma consecutiva entre os anos 2013 e 2017.
O equipo ferrolán atópase en pleno traballo de pretemporada ás ordes de Lino López, Sandra Prieto e Sergio Jaurena preparando o retorno á liga Endesa con moita ilusión por formar un bo bloque e facer un bo papel na máxima categoría do baloncesto feminino español.
