A Selección Galega sub16 e sub18 xa ten o seu listado de nomes para o Campionato de España por Comunidades de campo a través en Idade Escolar
O torneo disputarase esta fin de semana en Getafe e alí estarán ata 24 atletas representando a Galicia, 12 delas femininas das que a metade son sub16 e a outra metade sub18.
Entre os nomes máis destacados estará o da campioa de España e plusmarquista nacional Sub18 dos 1.500 e 3.000 m. Xela Martínez quen lidera selección. Xunto á lucense atópanse entre outras, Carolina Santos do Ría Ferrol e Sara Guedes da Atlética Lucense prata e bronce no pasado galego de campo a través Sub18.
Catro galegas sub18 suben ao podio do Campionato de España de pista cuberta
Para rematar o repaso á categoría feminina, foron seleccionadas a campioa e subcampioa dos 1.000 m. en pista cuberta Amparo Corredoira da Atlética Lucense e Paloma López de A Gándara xunto á tamén subcampioa autonómica de campo a través Susana Padrón do Ourense Atletismo.
Na categoría masculina, tomarán parte os integrantes do podio ao completo do galego de cross encabezados por Sergio Quintas e Héctor Rodríguez do Club La Purísima así como por Victor Ramos do Triki Team. O finalista na edición do ano pasado, Ricardo Negrete do Ria Ferrol, tamén figura nesa relación de convocados.
Os actuais subcampións de España maculinos Sub16 acoden ca intención de lograr un novo podio. Para elo ao fronte da selección sitúanse os tres primeiros clasificados do galego de campo a través, Alex Sierpes do Trega, Ashber Díaz da Agrupación Viguesa e Teo de Frutos do Lucus Caixa Rural. Repite na selección Damián Suárez do Cedeira Muebles García que tan meritorio posto de finalista ocupaba o ano pasado
Segundo informa a Federación Galega de Atletismo, os obxectivos pasan por lograr un bo papel a nivel xeral nas clasificacións individuais e o de estar na pelexa polos postos importantes na de por equipos.
O listado da Selección Galega sub16 e sub18
As galegas sub16:
- Amparo Corredoira, do Atlética Lucense
- Paloma López, do Gándara
- Susana Padrón, do Ourense Atletismo
- Eva Rouco, do Lucus Caixa Rural Galega
- Celia Vila, do Comesaña SC
- Carla Vázquez, do Gándara
As galegas sub18:
- Xela Martínez, do Atlética Lucense
- Carolina Santos, do Ría Ferrol
- Sara Guedes, do Atlética Lucense
- Ánxela Seoane, do Ourense Atletismo
- Marcela Morgado, do S.A. Trega
- Carmen Carrera, do Ría Ferrol
