Superioridade absoluta do Pescados Rubén Burela no seu debut na Futsal Women’s European Champions. As galegas venceron 0-5 ás rusas do CF Normanochka no Pazo dos Deportes de Lugo que acolleu o choque. O mesmo escenario será testigo do segundo partido esta mesma tarde a partir das 18:30 horas.
Os goles do Pescados Rubén Burela os asinaron: Leti, Emilly (2), Dany Domingos e Peque.
Nos outros cruces venceu o Benfica 4-0 ao WFC Tesla e o Futsal Pescara Femminile 2-3 tamén ao WFC Tesla que aínda non coñece a vitoria.
O técnico do Pescados Rubén Burela, Lucas, sinalaba logo do partido que tras o triunfo o equipo estaba “moi contento. Fumos un equipo moi serio. As xogadoras estaban moi centradas por ser o primeiro obxectivo grande a cumprir. Veuse na concentración que tiveron durante todo o partido”.
Sobre o partido de hoxe, novamente contra as rusas, Lucas explicaba: “Un 5-0 danos tranquilidade pero o equipo contrario apostará por un 5 para 4 moito máis tempo que hoxe. Traballaremos esa defensa para que non nos fagan gol e podamos roubar algún balón que nos dé definitivamente a clasificación”.
Lucas, adestrador do conxunto da Mariña, representante español nesta Champions do futsal feminino europeo, falaba con fachenda da concentración das súas xogadoras nesta competición continental: “Fumos un equipo moi serio. As xogadoras estaban moi centradas por ser o primeiro obxectivo grande a cumprir. Veuse na concentración que tiveron durante todo o partido”
Preguntado polo resto de partidos desta competición continental Lucas declaraba que nesta edición da Futsal Women’s European Champions “están gañando os favoritos pero sen que sexa doado. Vese que os equipos están traballados. O fútbol sala feminino está medrando non so en España tamén no esto de Europa”.
️ | Lucas, satisfecho con el debut laranxa en @FutsalWEC tras 0-5 ante Normanochka.
Mañana, a las 18.30 horas, las #GuerreirasLaranxas se volverán a ver las caras con las rusas#Burela #Futsal #SomosFutsal pic.twitter.com/lVVbmoVv0X
— Pescados Rubén Burela FS (@burelafs) December 3, 2021
Entre as xogadoras do conxunto galego, destacou a achega de Emilly, autora de dos dos cinco goles do Pescados Rubén Burela. A deportista comparecía ante os medios logo do partido declarando que “cumplimos o obxectivo no primeiro partido. Empezamos con nervos pola novidade pero logo soltámonos e fumos o equipo de Burela que somos. Esperamos que no segundo partido xoguemos un partido aínda mellor ca hoxe. Os partidos desta competición vense con boa calidade. Nós imos partido a partido. No Burela temos que facer o noso traballo sen mirar á final do domingo”.
Emilly, xogadora do Pescados Rubén e bigoleadora ante o Normanochka “cumplimos o obxectivo no primeiro partido”
️ | Impresiones de @EmillyMarcondes tras la victoria 0-5 frente a Normanochka de esta tarde en su estreno en @FutsalWEC #Burela #Futsal #SomosFutsal pic.twitter.com/8PdS7nRv2E
— Pescados Rubén Burela FS (@burelafs) December 3, 2021
FICHA TÉCNICA
0) CF NORMANOCHKA: Surnina; Samorodova, Pravdina, Sydorenko e Neliubova – quinteto inicial -. Tamén xogaron: Fernanda, Durandina, Khlebosolova, Zavyalova, Naumova, Sadakova e Tytova.
5) PESCADOS RUBÉN BURELA FS: Sandra Buzón, Ale de Paz, Dany Domingos, Cami e Peque – quinteto inicial -. Tamén xogaron: Cilene, Irene Samper, Leti, Emilly, Bea Mateos e Jozi.
GOLES: 0-1 min. 10: Leti. 0-2 min. 15: Emilly. 0-3 min. 21: Dany. 0-4 min. 25: Peque. 0-5 min. 40: Emilly.
ÁRBITROS: Otero Mira e Paz López, do Colexio Galego (Ourense), amosaron cartón amarelo a Fernanda no conxunto ruso.
INCIDENCIAS: Partido correspondente á Futsal Women’s European Champions disputado no Pazo dos deportes de Lugo diante de 300 espectadoras nas bancadas.
Futsal Women’s European Champions
Xoves 2 de decembro
- 17.30 horas: Benfica SL – WFC Tesla (4-0)
Venres 3 de decembro
- 17.30 horas: WFC Tesla-Pescara Femminile (2-3)
- 20.00 horas: Pescados Rubén Burela-MFC Normanochka (5-0)
Sábado 4 de decembro (CRTVG)
- 16.15 horas: Pescara Femminile- Benfica SL
- 18.30 horas: MFC Normanochka-Pescados Rubén Burela FS
Domingo 5 de decembro (CRTVG)
- 13.00 horas: Final