- Hoxe, mércores 2 de outubro terá lugar a estrea do documental ‘Mamá, futbolista quero ser’ que narra a vida da porteira coruñesa Irene González Basanta, considerada a primeira muller futbolista profesional dado que é a figura que está identificada como a primeira en cobrar por xogar ao fútbol en España.
- O Centro Ágora do Concello da Coruña acolle a partir das 20:00 horas a proxección desta peza audiovisual con entrada de balde ata completar o espazo.
- A partir do sábado 5 de outubro poderá verse nas plataformas Movistar Plus e R.
A vida da porteira coruñesa Irene González Basanta repásase na peza documental audiovisual ‘Mamá, futbolista quero ser‘ o trailer pódese ver na canle de YouTube de Nós Televisión e o documental proxectarase en estrea hoxe mércores 2 de outubro no Centro Ágora do Concello da Coruña que apoia a produción desta peza.
Onde ver ‘Mamá, futbolista quero ser‘ na televisión
A peza audiovisual está promovida polo Concello da Coruña e elaborada por Nós Televisión. ‘Mamá, futbolista quero ser‘ e busca para dar a coñecer á cidadanía a figura de Irene González Basanta, sobre todo entre as xeracións máis novas.
Ademais da proxección de hoxe, esta fin de semana estrearase en plataformas cunha audiencia potencial dun millón de persoas en Galicia e de 10 millóns no conxunto de España. En concreto, está prevista a súa estrea o sábado 5 de outubro nas plataformas: Movistar Plus e R.
Ana Viqueira, guionista e produtora da peza, agradeceu na presentación da peza hai uns meses o apoio do Concello da Coruña e tamén a divulgación do propio documental na cidade. O feito de que o documental poida ser visto pola xente da cidade herculina é algo que salientou xa que o documental “non só conta unha historia individual senón tamén colectiva“.
A futbolista coruñesa foi, na década de 1920, a primeira muller en cobrar por xogar ao fútbol e chegou a fundar o seu propio club, o Irene CF, do que era a capitá e gardameta.
A través deste documental, ‘Mamá, futbolista quero ser’, afóndase na figura Irene González Basanta e na transcendencia que tivo na súa época. Ademais, esta peza audiovisual tamén se centra nas voces das futbolistas de hoxe en día para amosar os avances acadados durante estes anos.
Participantes no documental
No documental participan familiares da futbolista coma o seu sobriño-neto Fernando del Moral e outras voces como os xornalistas e biógrafos de Irene, Juan Luis Rodríguez Cudeiro e Rubén Ventureira, a ex futbolista do Karbo e adesradora Pili Neira, a Doutora en Ciencias da Actividade Física e o Deporte da UDC, Cristina López Villar, o historiador Xosé Alfeirán e Silvia Carregal, directora de As Nosas.
