O sábado ata a localidade cántabra de Laredo acudía a santiguesa Esther Pedrosa a tomar parte sobre os 10 km. Villa de Laredo en ruta. O resultado non puido ser máis satisfactorio xa que a atleta do Playas de Castellón lograba un rexistro final de 40:29 que supuxo establecer un novo récord de España na categoría F60 que engade ao seu impresionante palmarés nacional e internacional.
Pedrosa resultou campioa superando a Beatriz Rivero, que fixo un tempo de 58:31 e Luisa Masuet, terceira cunha marca de 01:00:00.
A xornada do domingo
Xa no domingo, continuaban as actuacións das atletas galegas máster ca súa participación no Campionato de España de Milla en ruta que se desenvolvía en Parla.
O máis destacado da mesma foi o título de Campión de España para o atleta do Burgas Ourense Domingo Álvarez, quen sobre a categoría M65 lograba un rexistro de 5:34 que representa ademáis un novo récord galego.
Destacada foi tamén as actuación da atleta do C.A.Sada Angeles Ripoll quen a piques estivo de subir ao podio, logrando finalmente a cuarta posición na categoría F60 con 7:06.
Completaron a actuación galega o 8º posto de Jorge Veleiro do Burgas Ourense na M55 con 5:25 e posto 16º paraJosé Cabado do Atletismo Santiago con 5:21 na M50.
