O Club Balonmán Porriño anuncia a súa primeira fichaxe: Estela Carrera. A gardameta, que na última tempada militou no Rincón Fertilidad Málaga, ficha polo club galego para a tempada 2020/2021. Súmase así ao bloque de xogadoras que adestrará o vindeiro curso Ismael Martínez e no que xa están confirmando nomes como os de Fátima Ayelen, Antía Espiñeira, Inés Hernández ou Ana Rodrigues, varias delas teñen renovado nos nos últimos días amosando a súa aposta polo equipo galego.
A porteira alacantina Estela Carrera ten 28 anos e unha gran experiencia. A súa traxectoria está contrastada logo de ter pasado por equipos como o Mecalia Atlético Guardés co que gañou a Liga na tempada 2016/2017 ou ser internacional xuvenil, junior e absoluta.
Respecto desta tempada no equipo malagueño, atopouse co contratempo dunha lesión de ombreiro que a tivo varios meses fóra de pista. A pesar diso, vén con moitas ganas e ilusión de poder dar o mellor de si.
Estela conta que entre as razóns desta decisión están os valores que transmite o club “decidín fichar polo Club Balonmán Porriño porque me gusta moito os valores familiares que ten. Tamén obviamente teño a vellas amigas e que mellor que ir a un equipo onde xa coñeces a xogadoras, iso sempre é un aliciente, e se aínda encima dinche o contentas que están, máis. Vou con moita ilusión e ganas”.
Estela Carrera, xogadora do BM Porriño Conservas Orbe: “No Porriño teño a vellas amigas e que mellor que ir a un equipo onde xa coñeces a xogadoras, iso sempre é un aliciente”
A porteira admitía tamén ao fío da súa fichaxe polo equipo galego que as súas expectativas cara ao próximo ano son moi positivas. “As miñas expectativas individuais son volver gozar nas pistas e como equipo espero que sexa un gran ano e podamos chegar onde propoñámonos”, declarou.
Orientándose cara á próxima tempada marcouse uns obxectivos a cumprir “os meus obxectivos a curto prazo é volver sentirme ben baixo paus e a longo prazo poder achegar ao equipo todo o que me pidan e necesiten. Sen dúbida creo que imos ter un equipo capaz de conseguir todo o que se propoña”.
Aportará aos contragolpes do BM Porriño
O técnico das Conservas Orbe, Ismael Martínez, transmitiunos que están moi contentos con este reforzo en portaría “o obxectivo principal era reforzar a portaría e así o fixemos. Estela é unha porteira con moitas garantías e cunha gran experiencia na liga. Ademais, cremos que se complementará moi ben con Ayelen, xa que son formas de parar moi distintas”. Tamén nos sinalou o que vai poder achegar a gardameta ao equipo “Estela achegaranos frescura e moito contraataque, xa que ten un gran brazo para iso”.
Ismael Martínez, adestrador Conservas Orbe BM Porriño: “Cremos que se complementará moi ben con Ayelen, xa que son formas de parar moi distintas”
O presidente do club, Abel Estévez, tamén se pronunciou sobre a nova incorporación do Conservas Orbe para a Liga Guerreras Iberdrola. “Estela é unha gran fichaxe para nós, desta forma complementamos unha das portarías máis competitivas de División de Honra. A verdade, temos porteiras de garantías e iso asegúranos que, en caso de lesións, imos poder seguir sendo competitivos”.
Abel Estévez, presidente do BM Porriño: “Complementamos unha das portarías máis competitivas de División de Honra”
Segundo o presidente do BM Porriño a gardamallas “é unha xogadora con moitísima experiencia na nosa liga a pesar da súa relativa mocidade e que, ademais, ten unhas características distintas ao resto, co cal para Isma será unha gran vantaxe á hora de poder rotalas. É unha gran aposta para nós e esperemos que estea connosco moitos anos máis”.
