- Gómez, que alcanza a súa quinta tempada, tamén participa asiduamente en ataque: “Temos un equipo moi completo”.
- Descalzo, totalmente afianzada na Guarda, encara o seu terceiro curso: “Estou moi contenta de seguir”.
Todo castelo precisa dun bastión. E o Atlético Guardés garantiuse a continuidade de dúas deles para pechar o seu bloque de xogadora de cara á próxima tempada. Porque Estefanía Descalzo (Valencia, 1990) e Carla Gómez (Sant Antoni de Vilamajor, Barcelona, 1991) prolongaron os seus contratos coa entidade guardesa e seguirán defendendo as cores do equipo miñoto, así como o centro do seu defensa.
Carla Gómez: “Estamos a desexar volver ver A Sangriña chea coa nosa afección e que volva arder o Inferno”
Para a catalá, unha das xogadoras que máis tempo leva no equipo, será a súa quinta tempada na Sangriña. A pivote é unha referencia no vestiario para todas as súas compañeiras. E tamén na pista. Porque, ademais de exercer á perfección o seu papel de escudo no centro do 6.0, afai ter unha participación activa en ataque durante os minutos nos que compaxina ambas as facetas. Nas dúas facetas desenvólvese con poderío grazas á súa 1,81 de altura, que a converten nunha xogadora moi dominadora na liña.
Carla Gómez, xogadora do Atlético Guardés: “Temos un equipo moi completo e todas xuntas podemos facer cousas moi grandes”
A valenciana é a súa compañeira habitual na zona ancha do armazón 6.0. E aínda que pode ofrecer cousas positivas para a portería contraria, normalmente xogando como lateral, a súa achega de quilates para o colectivo chega diante da propia. É unha especialista defensiva.
Estefanía Descalzo, unha enfermeira no Guardés
Descalzo alcanzará a súa terceira tempada consecutiva na Guarda, onde chegou procedente da súa Valencia natal. Alí compaxinaba o balonmán co seu labor profesional como enfermeira, traballo que retomou co estalido da pandemia do coronavirus o ano pasado. “Estou moi contenta de seguir outro ano máis no Atlético Guardés”, expresa a xogadora valenciana.
Estefanía Descalzo, tras renovar co Atlético Guardés: “Seguro que vai ser un ano moi bonito”
A barcelonesa asente: “É como estar na casa”. Ademais, ambas se mostran convencidas das grandes posibilidades que ten o plantel que pecha o club do Atlético Guardés coa súa renovación. “Temos un equipo moi completo e todas xuntas podemos facer cousas moi grandes”, expresa Carla Gómez. “Seguro que vai ser un ano moi bonito”, culmina Estefanía descalzo. “Estamos a desexar volver ver A Sangriña chea coa nosa afección e que volva arder o Inferno”, culmina a pivote catalá.
