A España de Raquel Carrera e Tamara Abalde chega invicta a cuartos

Tres partidos, e tres vitorias. Así remata a Selección Española feminina de Baloncesto a fase de grupos dos Xogos Olímpicos de Tokyo 2020. Na última quenda, impúxose 66-76 a Canadá. Accede así invicta a cuartos. O seguinte reto das españolas será o mércores 4 de agosto. O sorteo será o martes. España é primeira de grupo.

Non era nada fácil o grupo de primeira fase da selección feminina, polo que superalo con tres vitorias roza o sobresaliente, aseguran desde a Federación Española de Baloncesto. A última vítima do equipo español foi unha Canadá con problemas de competitividade, pero moito talento no seu bloque.

En canto á participación das deportistas galegas, neste cruce tivo minutos Raquel Carrera que anotou 6 puntos (4 de tiros de campo e 2 de tiros libres). Recuperou un rebote defensivo, cedeu unha asistencia e cometeu unha falta persoal e recibiu outra. Tamara Abalde, non xogou nesta ocasión.

España controu o electrónico todo o partido

As deportistas que adestra Lucas Mondelo xogaron un partido  moi serio ante Canadá. Co marcador controlado en todo momento, España malgasta confianza no seu xogo e minimiza o talento dos seus rivais. Con menos necesidades que as rivais, o equipo estivo comandado por xogadoras como Astou Ndour. Cristina Ouviña e Laura Gil.

Ouviña empezou o partido como o terminou o outro día ante Serbia. 2+1 e moi concentrada no encontro. 0-5 de parcial ante unha Canadá que sempre parece ter mellor persoal que os resultados obtidos.

🇯🇵 #Tokyo2020 | Ahora, a por el siguiente OBJETIVO 🔜#LaFamilia #SomosEquipo pic.twitter.com/czB82vWs1x

— Baloncesto España (@BaloncestoESP) August 1, 2021

O partido era rápido, con posesións curtas e poucas interrupcións, con España dominando o marcador con lixeiras vantaxes.  Astou Ndour e Laura Gil facían dano na pintura, con Lucas Mondelo rotando máis xogadoras que no anterior encontro. Queralt Casas achegaba desde o banco e España conseguía 10 puntos de vantaxe ante unha Canadá que aguantaba grazas á calidade de Nirra Fields (13-23).

O partido transcorría polo mellor guion posible, o dunha vitoria cómoda que asegurase o primeiro posto, pero uns Xogos Olímpicos teñen sempre unha complicación extra. O segundo cuarto non foi tan fluído, non se anotaba con tanta facilidade e Canadá achegábase (23-27 min 15) provocando o tempo morto do adestrador de España, Lucas Mondelo.

O seleccionador español axustaba algúns aspectos en defensa, pero Canadá agarrábase ao encontro, á conta de acumular faltas persoais. 34-40 e un +6 que parecía pouco para a impresión do visto na pista. O terceiro cuarto comezou cunha xogada rematada por Ndour (que finalmente sería a MVP do partido), seguida dunha boa defensa e unha boa acción de Gil, que devolvía en 30 segundos os 10 puntos de vantaxe (34-44).

A reacción norteamericana quedaba en nada, e España ía collendo o cartel de favorito acelerando nos momentos concretos. Con Ouviña en estado de graza, as de Mondelo facían a ‘goma’ entre os 15 e os 20 puntos.

Os 20 puntos de vantaxe de España quedaron en 13 ao final do terceiro cuarto (47-60). Canadá tentou sacar a súa última carta no inicio do último cuarto. Un parcial de 9-2 estreitaba o resultado (56-62) con máis velocidade en ataque e máis erros no tiro das españolas. Un triplo de Alba devolvía a tranquilidade (56-65) a falta de cinco minutos. Sen chegar a romper o partido, o control era español. Canadá pelexaba cada balón para ter un mellor average e buscar posto en cuartos como un dos mellores terceiros.

España espera xa a próxima cita: os cuartos de final e “sen excusas”.

🇯🇵 #Tokyo2020 | Con la mente en el próximo objetivo 🙌

🎙️ “Vamos a COMPETIR. Sin excusas” 👉 @Lmondelo #LaFamilia #SomosEquipo pic.twitter.com/6nMPPOrihy

— Baloncesto España (@BaloncestoESP) August 1, 2021