A Selección Española Feminina de Balonmán estreouse cunha amarga derrota na Main Round do Mundial tras caer ante Serbia por 29-31, nun duelo no que as xogadoras dirixidas por Ambros Martín, que foron lixeiramente superiores durante a maior parte do encontro, deixaron escapar a vitoria nos últimos minutos ante 7000 espectadores. Nas filas de España están dúas galegas: Elba Álvarez e Alicia Fernández.
Ver esta publicación en Instagram
Foi un duelo moi disputado o que se viviu no Westfalenhalle de Dortmund no primeiro partido da selección estatal na Main Round. As Guerreras chegaban con ganas de dalo todo sobre a pista e foron capaces de manterlle o pulso a unha Serbia moi competitiva e con sede de vitoria.
O poderío físico das balcánicas non amedentrou a España e a loita foi de igual a igual dende o inicio, aínda que por momentos a balanza parecía inclinarse cara ao lado das Guerreras, que chegaban con ansias de demostrar o seu bo nivel de xogo despois da súa sorprendente primeira derrota contra as Illas Feroe na rolda previa do torneo (25-27). Con todo, lograran saír vitoriosas dos outros dous encontros da fase de grupos preliminar: ante Paraguay no debut (26-17) e fronte á selección de Montenegro (26-31).
A súa xuventude e inexperiencia xogaronlle unha mala pasada ao cadro de España, que chegou a gozar dunha vantaxe de seis goles, pero non soubo reaccionar ante a incesante presión serbia, que as levou a cometer erros evitables e a deixar escapar unha vitoria que tiñan ao alcance da man.
Elba Álvarez erra un penalti para España
As balcánicas acercándose cada vez máis no marcador e lograron o empate a apenas sete minutos do final, tras un penalti fallido pola galega Elba Álvarez, unha situación que desestabilizou notablemente ás Guerreras, non só no xogo, senón tamén no aspecto mental. Era un escenario que se volvía moi complicado para un equipo en pleno relevo xeracional, pouco acostumado a enfrontarse a momentos de tanta tensión.
A selección serbia, que contaba coa vantaxe de ter á fronte a José Ignacio Prades, —exseleccionador nacional e recentemente membro do cadro técnico español, coñecedor profundo da táctica e do xogo das Guerreras—, conseguiu rematar o partido cun axustado 29-31.
Un resultado que complica seriamente á Selección de España a continuidade no torneo. Nos próximos encontros, enfrontarase a Islandia e, posteriormente, a unha das favoritas, Alemaña. O cadro estatal mantén vivas as opcións de pasar aos cuartos de final, pero ten por diante un escenario moi complicado.
Ver esta publicación en Instagram
FICHA TÉCNICA:
29) ESPAÑA: Morales; Bengoetxea (2), Etxeberria (1), Gassama (1), Lyndie Tchaptchet (1), So Delgado (11, 5p) e Jennifer Gutiérrez (2) – equipo inicial -. Tamén xogaron: Prades (ps), Vegué (1), Somaza (1), Arcos (4), Lysa Tchaptchet (-), Alicia Fernández (1), Erauskin (2), Elba Álvarez (2) e Arroyo (-).
31) SERBIA: Petkovic; Krpez-Slezak (5, 1P), Janjusevic (2), Jovovic (7, 1p), Skrobic (5), Kocic (2) e Cvijic (4) – equipo inicial -. Tamén xogaron: Risovic (ps), Lazic (-), Tabak (-), Agbaba (-), Mitrovic (-), Velickovic (1), Radevic (-), Vukajlovic (5) y Garovic (-).
MARCADOR: 3-3, 6-6, 10-9, 14-12, 16-14 e 19-17 ( descanso ), 22-17, 23-17, 25-20, 27-24, 28-28 e 29-31 ( final ).
EQUIPO ARBITRAL: Altmar e Horvath (HUN).
INCIDENCIAS: Encontro correspondente á primeira xornada do Grupo II da segunda fase do Mundial de Países Baixos e Alemania, disputado no Westfalenhalle de Dortmund (Alemaña).
Ver esta publicación en Instagram
