España, na final do Europeo de futsalfem

España está na na final do Campionato de Europa. O equipo que adestra Clàudia Pons contou con marcado acento galego. Ademais de que as catro galegas convocadas (Silvia Aguete, Ale de Paz, Luci Gómez e Antía Pérez) tiveron minutos, e as tres xogadoras do Burela (Peque, Irene Samper e Dany) tamén, houbo protagonismo especial para Silvia Aguete defendendo a portaría vermella e de Luci Gómez que anotou un dos tres goles da Selección Española.

España superou a Portugal nas semifinais do Europeo e están a 40 minutos de volver alzar o título. Como era de esperar, a semifinal foi axustada, moi competida, pero as españolas mostraron a autoridade que lles dá ser bicampioas e firmes aspirantes a volver levantar o trofeo continental.

Así e todo, o encontro non comezou con bo pé para as españolas que vía como Carla Vanessa facía gol no primeiro minuto de xogo. O 0-1 chegaba do aproveitamento dun balón solto na área. Pero equipo que preparara a seleccionadora Clàudia Pons soubo encaixar o golpe. É un bloque de futbolistas campioas que sabe sobrepoñerse aos contratempos.

Aos poucos fóronse facendo co balón, gañando metros e cercando a portería de Ana Catarina, á vez que impedían as chegadas lusas. A xogadora do Pescados Rubén Burela, Peque, tiña, aos seis minutos, a primeira ocasión nun man a man e. Pero quen puxo as táboas no electrónico foi a galega Luci Gómez (Poio Pescamar). Un disparo raso empataba o partido 1-1 e con ese marcador España puido xogar máis cómoda.

A Selección Española xerou moitas ocasións a balón parado preto da área. Nunha delas, Noelia facía o 2-1 cun remate cruzado. Dándolle a volta ao marcador.

O único pero que se podía poñer ás españolas foi que se cargaron de faltas e a falta de tres minutos e medio cometeron a quinta, o que fixo que desen un pequeno paso atrás que deu aire a Portugal, que ameazou cun disparo de Carla Vanessa que detivo a cancerbeira galega do ENCE Marín Futsal, Silvia Aguete, e outro de Ana Azevedo que se marchou fóra.

Empate luso e nova remontada de España no segundo acto

No inicio da segunda parte, as lusas tamén comezaron máis cómodas. Janice Silva tivo un tiro ao pau aos tres minutos e María Sanz respondeu cunha ocasión na que non chegou a rematar, pero foi Carla Vanessa a primeira en marcar, tras un pase de Ana Azevedo (2-2).

Durou pouco a alegría. Só 24 segundos despois Irene Córdoba interceptaba un pase de Catia Morgado e marcaba rematando de primeiras (3-2). E de segunda remontada no partido para España.

Tras o susto, España volveu facerse cos mandos do encontro, coa incerteza da escasa vantaxe no marcador e o empuxe de Portugal, que a seis minutos topouse coa porteira pontevedresa Silvia Aguete, que realizou unha dobre parada a Fifó e a Sara Ferreira.

Nesta segunda metade foron as lusas quen se cargaron de faltas. A 4.56 do final, Irene Córdoba tivo un dobre penalti que estrelou no pau. O que podía ser a puntilla non chegou e tocou defender o xogo de cinco luso, con éxito, tal e como apunta a RFEF.

A final xogarase o domingo 19. Será ás 20.00 horas e, novamente, poderá seguirse por Teledeporte. O rival será Ucrania, que foi quen de impoñerse na outra semifinal a Hungría 2-1.

FICHA TÉCNICA

3) ESPAÑA:  Silvia Aguete, Laura Córdoba, Irene Samper, Peque e Irene Córdoba – quinteto inicial -. Tamén xogaron: Mayte Mateo, Melli, Dany, Ale de Paz, Noelia, María Sanz, Antía Pérez e Luci Gómez.