A Selección Española de fútbol feminino fai historia ao meterse nos cuartos de final da Copa do Mundo. Nas filas do equipo vermello está a galega Tere Abelleira que se converteu nunha das pezas fixas do once inicial de Jorge Vilda neste Mundial.
Un triunfo por 1-5 ante Suiza coloca a España nos cuartos de final do Mundial de futfem 2023. No equipo español está a futbolista pontevedresa Tere Abelleira, compartindo protagonismo con nomes propios da Vermella como Jenni Hermoso ou Aitana Bonmatí.
O tropezo vivido ante Xapón, que goleou a España na fase de grupos, serviu para poñer os pés na terra ás vermellas e lembrarlles que ninguén regala nada no deporte e menos nun Mundial. Esta vez, ante Suiza (adestrada por Inka Grings), a Selección Española amosou a súa mellor versión e impúxose por 1-5 facendo con ese triunfo historia. É a primeira vez que España se clasifica para cuartos de final nunha Copa do Mundo feminina.
O partido tivo lugar no Estadio Eden Park de Auckland. España dominou o xogo, mantivo a posesión e fixo circular o balón con fluidez. Conseguían as vermellas chegadas continuas, nomeadamente desde as bandas e as ocasións sucedíanse. Así chegaron os goles que, neste partido ante Suiza, asinaron Aitana Bonmatí, que foi nomeada mellor xogadora do partido (MVP).
O gol da honra de Suiza foi en realidade un tropezo de España. Un gol en propia porta de Laia Codina, nunha cesión que saíu mal. Pouco durou o shock xa que en nada chegaría outro tanto, esta vez coa testa, de Alba Redondo, e logo outro tanto de Aitana Bonmatí que repetía acerto, desta volta desde dentro da área. Con eses goles España colocábase cunha vantaxe diante do seu rival 1-3.
Laia Codina resarciuse do gol en propia porta anotando o 1-4 para España. O resultado remataría cun 1-5 grazas ao tino ante a meta rival de Jenni Hermoso.
O seguinte reto da Selección Española de fútbol feminino que adestra Jorge Vilda neste Mundial será vencer ao equipo gañador da eliminatoria entre Países Bajos e Sudáfrica. Un dous dous combinados esperan en cuartos de final da Copa do Mundo de futfem 2023 a España que avanza cara a un soño facendo historia.
️ tras el Suiza 1-5 España:
️ Jorge Vilda.
️ Cata Coll.
️ Oihane Hernández.
️ Laia Codina.#JugarLucharyGanar I #FIFAWWC pic.twitter.com/qB08rSLdGS— Selección Española Femenina de Fútbol (@SEFutbolFem) August 5, 2023
FICHA TÉCNICA
1) SUIZA: Thalmann, Stierli, Maritz, Riesen (marti 84´), Aigbogun (Calligaris 46´), Reuteler (Mauron 46´), Sow (Terchoun 46´), Waelti, Crnogorcevic, Bachmann e Piubel (Humm 75´).
5) ESPAÑA: Cata Coll, Oihane Hernández, Irene Paredes, Laia Codina, Ona Batlle, Tere Abelleira (María Pérez 64´), Aitana Bonmatí (Irene Guerrero 77´), Jennifer Hermoso (Alexia Putellas 77´), Alba Redondo, Salma Paralluelo (Athenea del Castillo 84´) e Esther González (Eva Navarro 64´).
GOLES: 0-1 | (5´) | Aitana Bonmatí remata o balón desde a frontal tras un chut ao poste de Alba Redondo. 1-1 (11´) | Laia Codina en propia porta. 1-2 (17´) | Alba Redondo coa testa tras centro desde a esquerda. 1-3 (36´) | Aitana Bonmatí finaliza maxistralmente coa perna esquerda dentro da área. 1-4 (45´) | Laia Codina desde preto remata coa dereita logo dunha serie de rexeitamentos do balón dentro da área pequena. 1-5 (70´) | Jenni Hermoso anota cun tiro axustado executado coa zurda.
EQUIPO ARBITRAL: Cheryl Foster (País de Gales), amosou cartón amarelo á futbolista Stierli (74´) por parte da Selección de Suiza. Árbitras asistentes: Michelle O´Neill (República de Irlanda) e Franca Overtoom (Países Bajos). Cuarta árbitra: Ivana Martincic (Croacia). Árbitro asistente de vídeo: Marco Fritz (Alemania).
INCIDENCIAS: Partido de octavos de final da Copa do Mundo Feminina de fútbol de Australia-Nueva Zelanda 2023, disputado no Estadio Eden Park de Auckland (Nueva Zelanda). Cheo nas bancadas con 43.217 espectadores para ver este partido do Mundial de futfem. Seguiu o partido desde o palco de autoridades o presidente da Real Federación Española de Fútbol, Luis Rubiales.
