O primeiro paso da Selección Española no Mundial de futfem foi firme. A vermella vencía 3-0 á selección de Costa Rica. No once inicial de futbolistas seleccionadas por Jorge Vilda estaba a galega Tere Abelleira.
Na primeira alineación de España neste Mundial de fútbol feminino 2023 estába como titular a futbolista galega Teresa Abelleira e tamén as ex do Dépor ABANCA: Misa (en portaría) e Athenea del Castillo. Dúas das tres futbolistas foron substituídas. Foi o caso de Tere Abelleira que saía do campo no minuto 77 deixando o seu posto a Claudia Zornoza, e Athenea del Castillo que foi cambiada por Mariona Caldentey no 63. Misa defendería a portaría española todo o partido.
Ver esta publicación en Instagram
España vencía 3-0 a Costa Rica, adestrada por Amelia Valverde. O primeiro dos goles da Vermella foi de Valeria del Campo (propia porta ao intentar despexar un centro de Esther González, min. 21).
O segundo tanto das españolas levou a sinatura de Aitana Bonmatí (min. 23) a pase de Ona Batlle nunha xogada na que España pisaba área da man de Athenea del Castillo.
O 3-0 chegaría no minuto 27 nas botas de Esther González que remata un balón na área que non foi quen de enviar ao fondo da portaría previamente Jenni Hermoso (o seu disparo petaba no pao). O pase inicial que colgaba o esférico á zona quente fora de Teresa Abelleira.
Posteriormente España vería como a cancerbeira de Costa Rica, Daniela Solera, paraba un penalti botado por Jenni Hermoso. Gozaron as españolas de máis chegadas con perigo na segunda metade pero o marcador xa non se movería.
O partido supuxo o debut da Selección Española no que foi a primera xornada do grupo C nesta Copa del Mundo de fútbol feminino que se celebra en Australia – Nueva Zelanda en 2023. O partido tivo lugar no Estadio Regional de Wellington (Nueva Zelanda) con preto de 23.000 persoas seguindo o partido desde as bancadas do recinto deportivo.
FICHA TÉCNICA
3) ESPAÑA: Misa, Ona Batlle (Oihane Hernández 87′), Irene Paredes, Ivana Andrés, Olga Carmona, Aitana Bonmatí, Teresa Abelleira (Claudia Zornoza 77´), Jenni, Athenea del Castillo (Mariona Caldentey 63´), Salma Paralluelo (Alexia Putellas 77´) y Esther González (Alba Redondo 63´).
0) COSTA RICA: Daniela Solera, Del Campo, Benavidez, Fabiola Villalobos, Alvarado, Gloriana Villalobos (Pinell 73´), Elizondo (Granados 57´), Coto, Chinchilla, Salas (Scott 73´) y Herrera.
GOLES: 1-0 | (21´) | Valeria del Campo en propia porta. 2-0 | (23´) | Aitana Bonmatí con la izquierda a pase de Ona Batlle. 3-0 | (27´) | Esther González recolle á media volta un rexeitamento do poste.
COLEXIADAS: Casey Reibelt (Australia), árbitra principal. Árbitras asistentes: Ramina Tsoi (Kirguistán) e Xie Lijun (China). Sen futbolistas amonestadas. Exerceu de cuarta árbitra Kim Yujeong (Corea do Sur). Foi árbitro asistente de vídeo: Marco Fritz (Alemania)
INCIDENCIAS: Partido correspondente á 1ª xornada do Grupo C no Mundial de futfem de Australia-Nueva Zelanda 2023. Disputado no Estadio Regional de Wellington (Nueva Zelanda) con 22.966 espectadores nas bancadas. O presidente da Real Federación Española de Fútbol, Luis Rubiales, estivo vendo o encontro da Selección Española contra Costa Rica desde o palco de autoridades.
