España é a actual campioa de Europa de futsalfem e quere revalidar o título. Para loitar polo entorchado continental Clàudia Pons xa ten elixido ás 14 xogadoras que estarán en Hungría defendendo o campionato. Na lista hai catro galegas: Silvia Aguete, Ale de Paz, Luci Gómez e Antía Pérez.
A selección feminina de fútbol sala xa ten convocatoria oficial para o Europeo que disputará esta semana en Debrecen (Hungría). Tras os dous amigables ante Brasil, a Selección Española traballa na Ciudad del Fútbol de Las Rozas. Tras o segundo adestramento, Clàudia Pons configurou a lista definitiva de 14 xogadoras que defenderán o título logrado en 2019 e 2022 en Gondomar (Portugal).
Ence Marín Futsal, Poio Pescamar e Burela aportan xogadoras á Selección de España
A lista definitiva de futbolistas que xogarán o Campionato de Europa con España conta con catro xogadoras galegas que militan de tres equipos de Galicia:
- Silvia Aguete (Ence Marín Futsal)
- Ale de Paz (Ence Marín Futsal)
- Luci Gómez (Poio Pescamar FS)
- Antía Pérez (Pescados Rubén Burela)
Ademais, o equipo galego do Pescados Rubén Burela achéganse tres xogadoras máis: Peque, Irene Samper e Dany. Así que podería considerarse que a representación galega chega a sete xogadoras de catorce, nada menos que a metade.
España viaxou á cidade húngara, onde pisará por primeira vez o Fönix Arena nunha sesión de traballo hoxe mércores 15 de marzo pola tarde. O xoves 16 de marzo será o adestramento oficial previo ao partido, que lle medirá a Portugal o venres 17 de marzo ás 16.00 horas. O encontro será transmitido por Teledeporte.
Adri Paz, outro galego na lista, nesta ocasión no corpo técnico
No corpo técnico desta Selección Española, que encabeza Clàudia Pons, que disputará en Hungría o Campionato de Europa tamén hai acento galego. Adri Paz, o preparador físico, é un dos nosos, tal e como lembra a RFGF.
¿Quieres saberlo todo sobre la @SEFutbolfem Sala en este ?
️ Aquí te dejamos el dosier del equipo que intentará conseguir su tercer título continental consecutivo en ́.
https://t.co/Z4LoG3KkvA#FutsalEspaña | #WEUROFutsal pic.twitter.com/fnVG3kHrJQ
— Selección Española Femenina de Fútbol (@SEFutbolFem) March 15, 2023
A lista de 14 futbolistas que están en Hungría defendendo as cores da Selección Española de futsalfem son as seguintes:
| Silvia Aguete Outón SILVIA | Ence Marín Futsal |
| Marta Balbuena Navas MARTA | Futsi Atlético Navalcarnero |
| Noelia Montoro Susarte NOELIA | STV Roldán |
| María Teresa Mateo Gonzalez MAYTE | STV Roldán |
| Laura Córdoba Monedero LAURA | Futsi Atlético Navalcarnero |
| Alejandra de Paz González ALE DE PAZ | Ence Marín Futsal |
| Irene Samper Bilbao IRENE SAMPER | Pescados Rubén Burela |
| Patricia González Mota PEQUE | Pescados Rubén Burela |
| Lucía Gómez González LUCI | Poio Pescamar |
| María Ángeles Pino Cabrera MELLI | LBTL Alcantarilla |
| María Sanz Navarro MARÍA SANZ | Futsi Atlético Navalcarnero |
| Antía Pérez García ANTÍA | Pescados Rubén Burela |
| Irene Córdoba Monedero IRENE CÓRDOBA | Futsi Atlético Navalcarnero |
| Daniela Domingos Lopes DANY | Pescados Rubén Burela
|
