España cae diante da República Checa 1-3 logo de adxudicarse o primeiro set

A Selección Española feminina de voleibol non puido comezar con vitoria o Campionato de Europa (EurovolleyW), ao caer no primeiro encontro do grupo B que se celebra en Plovdiv (Bulgaria) diante da República Checa por 1-3 (25-22/20-25/22-25/20-25), nunha reedición do encontro que lle deu ás Leoas do Vóley o bronce na pasada European Golden League.

As españolas, nas que hai representación de tres xogadoras do CV Arenal Emeve Lugo, comezaron moi fortes, cun sólido xogo que as checas lograrían igualar para un emocionante final de primeiro set onde resultou clave a figura de Lucrecia Castelán, máxima anotadora española xunto a Raquel Montoro con 17 puntos.

A reacción da República Checa, liderada polos puntos de Michaela Mlejnkova, levounas a igualar o choque primeiro e controlalo despois aproveitando os erros nacionais e a falta de ritmo de competición tras unha complicada fase de preparación.

A Selección Española terá xornada de descanso este venres antes de enfrontarse o sábado 21 de agosto ás 19:00 horas coa anfitrioa desde EurovolleyW, Bulgaria.

España comezou a súa participación no seu noveno Campionato de Europa (EurovolleyW) cun gran primeiro set ante a República Checa, o mesmo rival diante o que obtivo a pasada medalla de bronce na European Golden League, tal e como lembra a RFEVB na súa crónica do partido.

As xogadoras que adestra o técnico Pascual Saurín dominaron o inicio de encontro, cun sólido comezo, fortes en saque, controlando o xogo checo e cunha resolutiva Raquel Montoro que levaría o choque 14-8 ao ecuador do parcial.

Un par de bos saques recortaron distancias no marcador, obrigando a Pascual Saurín a parar o xogo para impedir que República Checa enxugase a vantaxe española, e aínda que se conseguiu sacar do servizo a Mlejnkova, a dinámica crecente das centroeuropeas levounas a igualar antes de entrar na zona definitoria do set, aproveitando os erros nacionais. O saque checo lastraba a recepción española que non podía construír coa claridade dos primeiros puntos e o bloqueo checo xurdía para de ar a única renda do set 20-21.

Reacción das Leonas do volei

As Leonas do volei reaccionarían da man da capitá María Segura para pechar o set por 25-22 tras un remate de Lucrecia Castellano A dinámica de igualdade do final do primeiro parcial trasladouse a un segundo set no que Carmen Unzue entraba na rotación española.

O intercambio de accións trasladaría o desenvolvemento do set ata o seu ecuador momento no que República Checa obtiña réditos do saque de Trnkova para conseguir a súa primeira vantaxe ampla do encontro. A reacción española conseguiría reducir a dúas os puntos de distancia pero a solvencia do bloqueo checo pecharía o set por 20-25.

As espadas volvían estar no alto e República Checa conseguiría controlar o marcador no arranque para tomar catro de renda, que as Leonas do volei enxugarían con rapidez para o empate a oito tras un milimétrico remate dentro de Lucía Varela tras o videochallenge.

Algunas fotos de hoy ✨📷

🥺 ¡Gracias inmensas por tanto cariño desde todos los rincones de España!#EuroVolleyW #TodosConLasLeonas@RFEVB @iberdrola @CEVolleyball pic.twitter.com/7evG9LnfrX

— Las Leonas del Voley (@selfemvoleibol) August 19, 2021

O conxunto dirixido por Ioannis Athanasopoulos mantivo a intensidade das súas accións para romper o marcador tras o equilibrio a 13. España vía como se escapaba o conxunto checo e Pascual Saurín serenaba ao seu equipo, que acusaba a falta de ritmo de competición. O combinado español conxurábase no 17-23 para recortar distancias coa achega de Montoro e Varela, aínda sen impedir a vitoria checa por 22-25.

O equipo amarelo e vermello buscaría levar de novo o choque ao desempate, pero aínda que As Leonas do volei tiñan claro o seu obxectivo, non podían manter o ritmo de xogo do seu rival que volvía distanciarse no ecuador do parcial.

Pascual Saurín reclamaba máis concentración ás súas xogadoras que apertaron o marcador 17-19 para continuar dispoñendo de opcións, que non podería concretar #ante a pegada de Mlenjkova, máxima anotadora do encontro con 22 puntos.

Varias xogadoras do Emevé están neste EurovolleyW

As xogadoras Lucía Prol, Inma Lavado e Carolina Camino, do CV Arenal Emeve Lugo, están ás ordes do seleccionador Pascual Saurín nesta competición.