Coas galegas Raquel Carrera e Paula Ginzo nas súas filas a Selección Española de baloncesto prepara en Vigo a súa actuación no Eurobasket. ‘La Familia’ que dirixe o seleccionador Miguel Méndez aterraba en Vigo o Día das Letras Galegas e rematou xa a súa primeira semana adestrando na cidade olívica.
O equipo presentábase oficialmente en Madrid. Vigo é a súa primeira parada no camiño ao Eurobasket de Israel e Eslovenia. A Selección Española xogará desde o 15 de xuño a fase de grupos en Tel Aviv (Israel) ante Letonia, Montenegro e Grecia. A fase final vaise disputar en Ljubljana (Eslovenia).
Antes xogará España o Torneo de Vigo, entre o 24 e o 26 de maio. Nesa cita o combinado español vaise enfrontar con Raquel Carrera e Paula Ginzo nas súas filas o xoves 25 a Italia (19:00 h) e o venres 26 vaise medir a China (20:00 h). O mércoress 24 será o choque entre Italia e China ás 20:00 horas. Todos os partidos será no Complexo Deportivo das Travesas de Vigo.
De Vigo a Córdoba antes de Tel Aviv
Unha vez disputados estos compromisos en terras de Vigo, o conxunto que adestra de Miguel Méndez porá rumbo a Córdoba, onde vai seguir coa súa preparación de cara á gran cita europea do Eurobasket medíndose a dous rivales do continente como son Turquía (2 de xuño) e Bélgica (4 de xuño).
As lista de xogadoras convocadas polo seleccionador Miguel Méndez son as seguintes:
- Silvia Domínguez (Perfumerías Avenida), 201 internacional
- Maite Cazorla (Perfumerías Avenida), 25 internacional
- Cristina Ouviña (Valencia Basket), 100 internacional
- Leticia Romero (Valencia Basket), 72 internacional
- Leonor Rodríguez (Perfumerías Avenida), 103 internacional
- Queralt Casas (Valencia Basket), 84 internacional
- Helena Pueyo (Arizona NCAA), 0 internacional
- Laura Quevedo (Asvel Lyon Francia), 41 internacional
- María Conde (USK Praga), 52 internacional
- Alba Torrens (Valencia Basket), 185 internacional
- Andrea Vilaró (Perfumerías Avenida), 16 internacional
- Paula Ginzo (Durán Maquinaria Ensino), 23 internacional
- María Eraunzetamurgil (Movistar Estudiantes), 2 internacional
- Laura Gil (Basket Landes Francia), 136 internacional
- Raquel Carrera (Valencia Basket), 23 internacional
- Lola Pendande (Miami NCAA), 4 internacional
- Nerea Hermosa (Georgia Tech NCAA), 0 internacional
En Vigo so falta Laura Quevedo que disputa as semifinais da Liga Francesa co seu equipo.
España coñece os seus horarios para o Eurobasket feminino
En Vigo a Selección Feminina prepara o Eurobasket Feminino unha competición da que coñece incluso os seus horarios e que se disputará entre Israel e Eslovenia do 15 ao 25 de xuño.
España, que disputará a primeira fase en Tel Aviv, arrincará a súa participación medíndose a Letonia o xoves 15 ás 20:00 horas peninsulares (19:00 en Canarias e 21:00 horas en Israel). O equipo que dirixe Miguel Méndez afrontará o seu segundo encontro ás 19:45 horas do venres 16 ante Montenegro. O domingo 18, con Grecia como rival, España afrontará o último partido do Grupo Á as 19:45 horas.
O primeiro clasificado do Grupo para logrará o billete directo para os cuartos de final, que se disputarán integramente en Liubliana.
Primeras sensaciones en la pista de juego de As Travesas 🏀
En una semana, JUGAMOS 💪#LaFamilia #SomosEquipo pic.twitter.com/RdW44QcpBC
— Baloncesto España (@BaloncestoESP) May 19, 2023
Os segundos e terceiros clasificados cruzarán na rolda de oitavos de final cos segundos e terceiros clasificados do Grupo B. Ambos os partidos disputaranse en Tel Aviv o luns 19 ás 17:00 e 20:00 horas, respectivamente.
A capital de Eslovenia acollerá a fase final do Eurobasket Feminino. Os catro cruces de cuartos de final están previstos para as 12:15, 15:00, 18:00 e 20:45 horas do xoves 22. A loita polas medallas e do quinto ao oitavo posto (Francia e os outros cinco primeiros clasificados accederán ao Preolímpico) terá lugar entre o sábado 24 e o domingo 25 de xuño.
Todos os partidos da Selección Española no Eurobasket Feminino 2023 poderanse seguir en directo por Teledeporte.
CALENDARIO DE ESPAÑA (GRUPO A)
- Xoves 15 xuño: España vs Letonia (20:00 horas)
- Venres 16 xuño: España vs Montenegro (19:45 horas)
- Domingo 18 xuño: España vs Grecia (19:45 horas)
