A Escola de Adestradores da Real Federación Galega de Fútbol e a UDC porán en marcha o II Curso de prevención e readaptación entre o 22 de febreiro e o 14 de marzo. O obxectivo desta actividade será a de ofrecer unha preparación básica nunha materia especialmente interesante como é a prevención e readaptación de lesións no fútbol.
A Escola e a Universidade da Coruña traballaron durante meses na preparación desta segunda edición do curso, dando así resposta á solicitude realizada polo presidente, que trasladou á dirección da Escola a necesidade de traballar tamén no ámbito da saúde dos e das deportistas.
Por iso, a Escola Galega de Adestradores que dirixe Iván Cancela, despois do éxito da primeira edición, pon en marcha o “II Curso de Prevención e Readaptación de Lesións en Fútbol”, un evento que organiza en colaboración coa Universidade da Coruña.
Estas xornadas contarán coa coordinación de Fernando Rodríguez e Pablo López, dous profesionais de recoñecido prestixio con experiencia no corpo técnico do RC Deportivo ou no Besiktas, así como dunha serie de relatores de auténtico luxo, os cales desenvolven o seu traballo en equipos profesionais de España e de toda Europa.
Relatores
- Juan José García Cota
Real Club Celta de Vigo. Doutor da Selección Española de Fútbol
- Rafael Arriaza
Traumatólogo do Real Club Deportivo de La Coruña
- Óscar Gayoso Rey
Traumatólogo da Mutualidade de Futbolistas
- Manuel Romero Soto
Podólogo do Real Club Deportivo de La Coruña. Profesor na Universidade de A Coruña
- Saúl Sánchez
Nutricionista do Real Club Deportivo de la Coruña
- Ignacio González Zas
Departamento de Forza. Real Club Deportivo de La Coruña
- Carlos Otero
Responsable do Departamento de Forza do Sevilla FC
- Carlos Balsalobre
Doutor en Ciencias do Deporte. Universidade Autónoma de Madrid
- Marcos Chena
Preparador Físico no Real Madrid CF
- Sergio Patiño
Ex Real Club Deportivo de La Coruña. Profesor Grao en Fisioterapia
- Pedro Docampo
Real Club Celta de Vigo. Profesor na Escola de Adestradores
- Cristian Fernández
Readaptador no Newcastle United da Premier League
- Antonio Muñoz
Readaptador no Sevilla FC
- Sergio Jiménez
Doutor en Ciencias do Deporte. Readaptador no Xetafe CF
- Fernando Rodríguez López
Readaptador no Real Club Deportivo de La Coruña
- Pablo López
Readaptador en Istanbul Basaksehir, Ex Besiktas, ex RC Deportivo de La Coruña
O curso vai dirixido a Licenciados e Graduados en CAFD, Diplomados e Graduados en Fisioterapia e adestradores de Nivel 3 e ten como obxectivo proporcionar aos alumnos coñecementos básicos sobre os procesos de prevención e readaptación das lesións máis frecuentes derivadas da práctica do fútbol no ámbito profesional. Sen dúbida, un tema con moito percorrido e cunha gran necesidade formativa.
Desde a RFGF e, en particular desde a Escola Galega de Adestradores, dase así resposta a unha demanda existente nos equipos, carentes de profesionais coa formación idónea para realizar a función de prevención e readaptación de lesións.
Equivalente a 4.5 créditos
Un dos grandes atractivos do curso é a posibilidade de conseguir os 4.5 créditos que veñen emparellados co diploma grazas á colaboración entre a Escola Galega de Adestradores e a Universidade da Coruña. Sen dúbida, unha gran oportunidade para os que estean cursando os estudos universitarios de CAFD e Fisioterapia.
Desenvolvemento do curso
A actividade vai desenvolverse na sede da Real Federación Galega en Santiago de Compostela (Estadio Vero Boquete de San Lázaro, porta 4) entre o 22 de febreiro e o 14 de marzo de 2020, os sábados en turno de mañá e tarde: de 9 a 14 horas e de 16 a 21 horas.
Conta cunha carga lectiva de 45 horas: 40 de xornadas presenciais e 5 a distancia consistentes na elaboración de traballos.
A inscrición debe realizarse de xeito online a través da web da RFGF (INSCRICIÓN) e o prazo para anotarse estará aberto ata o 23 de febreiro, pero pecharase con anterioridade se se cobren as 35 prazas ofertadas.
Na CONVOCATORIA tedes toda a información referente ao curso.
